అక్షరటుడే, వెబ్డెస్క్ : PSLV C-62 | భారత అంతరిక్ష పరిశోధన సంస్థ (ఇస్రో) చేపట్టిన పీఎస్ఎల్వీ సీ–62 ప్రయోగం విఫలమైంది. సోమవారం ఉదయం 10:17 నింగిలోకి దూసుకెళ్లిన రాకెట్ నాలుగో దశలో ఫెయిల్ అయింది.
ఇస్రో 2026 చేపట్టిన తొలి ప్రయోగం విఫలమైంది. EOS-N1 ఉపగ్రహంతో పాటు మరో 15 ఉపగ్రహాలను నింగిలోకి పంపడానికి పీఎస్ఎల్వీ రాకెట్ (PSLV Rocket)ను ప్రయోగించింది. ఈఓఎస్-ఎన్1 అన్వేష అనే హైపర్స్పెక్ట్రల్ ఉపగ్రహాన్ని డీఆర్డీవో దేశ రక్షణ కోసం తయారు చేసింది. అయితే విజయవంతంగా నింగిలోకి దూసుకెళ్లిన రాకెట్ నాలుగో దశలో ఉపగ్రహాలను కక్ష్యలో ప్రవేశ పెట్టడంలో విఫమైంది.
PSLV C-62 | మూడు దశలు విజయవంతం
సతీశ్ దావన్ స్పేస్ సెంటర్ (Satish Dhawan Space Centre) నుంచి పీఎస్ఎల్వీ సీ–62 ప్రయోగం చేపట్టారు. తొలిదశలో 116 కిలోమీటర్ల ఎత్తులో రక్షణ కవచమైన “నోస్ కోన్” వేరు చేయబడింది. రెండో దశలో వికాస్ ఇంజిన్ విజయవంతంగా మండింది. మూడో దశలో ఘన ఇంధన దహన ప్రక్రియను పూర్తి చేసుకుని రాకెట్ వేరు చేయబడింది. పీఎస్ఎల్వీ రాకెట్ యొక్క అత్యంత శక్తివంతమైన ఘన ఇంధనంతో పనిచేసే మూడవ దశ విజయవంతంగా విడిపోయింది. కాగా 2025లో పీఎస్ఎల్వీ రాకెట్ మూడో దశలో విఫలమైంది. తాజాగా మూడో దశ విజయవంతం కాగా.. నాలుగో దశలో ప్రయోగం విఫలమైంది. ఉపగ్రహాలను నిర్ణిత కక్షలో ప్రవేశ పెట్టడంతో ఫెయిల్ అయింది. ప్రయోగం ఫెయిల్ అయినట్లు ఇస్రో ఛైర్మన్ (ISRO Chairman) ప్రకటించారు. నాలుగో దశ ప్రారంభంలోనే శాటిలైట్తో సంబంధాలు తెగిపోయానని చెప్పారు. మూడో దశ చివర్లో చిన్న సాంకేతిక సమస్య వచ్చిందని తెలిపారు. డేటాను విశ్లేషిస్తున్నామని ప్రకటించారు.
