Bomb Threat Mail | విమానానికి బాంబు బెదిరింపు.. తనిఖీలు చేపట్టిన అధికారులు

21

అక్షరటుడే, వెబ్​డెస్క్ : Bomb Threat Mail | మరో విమానానికి బాంబు బెదిరింపులు వచ్చాయి. లండన్​ నుంచి శంషాబాద్​ (London to Shamshabad) వచ్చిన బ్రిటిష్​ ఎయిర్​లైన్స్​కు చెందిన ఫ్లైట్​లో బాంబు ఉన్నట్లు మెయిల్​ వచ్చింది. దీంతో అధికారులు తనిఖీలు చేపట్టారు.

బ్రిటిష్​ ఎయిర్​లైన్స్​కు (British Airlines) చెందిన ఓ విమానం సోమవారం ఉదయం లండన్​ నుంచి శంషాబాద్​ వచ్చింది. అయితే విమానం గాలిలో ఉండగానే.. బాంబు ఉన్నట్లు మెయిల్​ వచ్చింది. దీంతో అప్రమత్తమైన అధికారులు పైలెట్​కు సమాచారం అందించారు. దీంతో పైలెట్​ విమానాన్ని ఎయిర్​పోర్టులో సురక్షితంగా ల్యాండ్​ చేశారు.

Bomb Threat Mail | బాంబ్​ స్క్వాడ్​తో తనిఖీలు

విమానం ల్యాండ్​ కాగానే.. పోలీసులు, అధికారులు ప్రయాణికులను కిందకు దింపారు. అనంతరం బాంబ్​ స్క్వాడ్​ (bomb squad), డాగ్​ స్క్వాడ్​తో తనిఖీలు చేపట్టారు. ఫ్లైట్​ మొత్తం సోదాలు చేపట్టగా ఎలాంటి అనుమానాస్పద వస్తువులు కనిపించలేదు. దీంతో నకిలీ మెయిల్​గా గుర్తించారు. బెదిరింపు మెయిల్​పై ఎయిర్​పోర్ట్​ పోలీసులకు అధికారులు ఫిర్యాదు చేశారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.

Bomb Threat Mail | నిత్యం బెదిరింపులు

దేశంలో ఇటీవల బాంబు బెదిరింపు ఘటనలు పెరిగాయి. ముఖ్యంగా ఎయిర్​పోర్టులు, విమానాల్లో బాంబు పెట్టినట్లు దుండగులు ఫోన్లు చేస్తున్నారు. మెయిల్స్​, సందేశాలు పంపుతున్నారు. కోర్టులు, బస్టాండ్లు, రైల్వే స్టేషన్లలో సైతం బాంబులు పెట్టినట్లు బెదిరింపులకు పాల్పడుతున్నారు. అయితే ఇందులో దాదాపు అన్ని నకిలీ కాల్స్​ ఉంటున్నాయి. ఫలితంగా ప్రజలు ఇబ్బందులు పడుతున్నారు. పోలీసులు, అధికారుల సమయం కూడా వృథా అవుతోంది. అయితే ఇలా బెదిరింపులకు పాల్పడే వారిని పట్టుకుందామంటే విదేశాల నుంచి మెయిల్స్​ పంపుతున్నారు.