MP Dharmapuri Arvind | ఎన్నికల వేళ బీజేపీ జోరు.. ఎంపీ అర్వింద్ ఆధ్వర్యంలో చేరికలు

అక్షరటుడే, ఇందూరు : MP Dharmapuri Arvind | ఎన్నికల వేళ బీజేపీ జోరు కొనసాగుతోంది. ఎంపీ అర్వింద్ ఆధ్వర్యంలో పలువురు నేతలు, కార్యకర్తలు కాషాయదళంలో చేరుతున్నారు.

పూర్వ విద్యార్థి పరిషత్ కార్యకర్త రాజ్​ గణేష్​ సుమారు 300మందితో కలిసి గురువారం ఎంపీ అర్వింద్​ సమక్షంలో బీజేపీలో (BJP) చేరారు. ఈ సందర్భంగా ఎంపీ వారికి కండువాలు కప్పి పార్టీలోకి ఆహ్వానించారు. ఈ సందర్భంగా ఎంపీ మాట్లాడుతూ.. పార్టీ విస్తరణ కోసం రాజ్​ గణేష్​ (Raj Ganesh) గతంలో విశేషంగా కృషి చేశారన్నారు. తిరిగి పార్టీలోకి వచ్చిన ఆయన పార్టీని మరింత బలోపేతం చేసేందుకు కృషి చేయాలని కోరారు.

MP Dharmapuri Arvind | కేంద్ర పథకాలను ప్రజల్లోకి తీసుకెళ్లాలి..

కేంద్ర ప్రభుత్వం (Central Government) అమలు చేస్తున్న పలు పథకాలను ప్రజల్లోకి తీసుకెళ్లాలని అర్బన్​లో బీజేపీ కార్పొరేటర్ (BJP Corporator) అభ్యర్థులను గెలిపించుకునే విధంగా కార్యకర్తలు కృషి చేయాలని ఎంపీ అన్నారు. కార్యక్రమంలో ఎమ్మెల్యే ధన్​పాల్​ సూర్యనారాయణ, జిల్లా అధ్యక్షుడు దినేష్ కులాచారి (Dinesh Kulachari), పసుపు బోర్డు ఛైర్మన్ పల్లె గంగారెడ్డి, ఎన్నికల ఇన్​ఛార్జి ఎన్​వీఎస్​ఎస్​ ప్రభాకర్, జిల్లా కార్యదర్శి పిల్లి శ్రీకాంత్ తదితరులు పాల్గొన్నారు.