Gangasthan | నగర శివారులో అల్ప్రాజోలం పట్టివేత..

అక్షరటుడే, నిజామాబాద్​ అర్బన్​: Gangasthan | గుట్టుచప్పుడు కాకుండా మత్తుపదార్థాలను తరలిస్తున్న ముగ్గురిని నార్కోటిక్స్​ పోలీసులు అదుపులోకి తీసుకున్నారు. నార్కోటిక్స్​ ఎస్​హెచ్​వో పూర్ణేశ్వర్​ (Narcotics SHO Purneshwar) వివరాలు వెల్లడించారు.

నగర శివారులోని గంగాస్థాన్​ సమీపంలో మత్తుపదార్థాల సరఫరా జరుగుతోందనే పక్కా సమాచారం మేరకు నార్కోటిక్స్​ పోలీసులు నిఘా వేశారు. ఆ మార్గంలో ముగ్గురు అనుమానిత వ్యక్తులు ప్రయాణిస్తున్న కారును ఆపి తనిఖీలు చేశారు. కారులో రూ.1.50 లక్షల విలువ చేసే 150 గ్రాముల అల్ప్రాజోలం (Alprazolam) స్వాధీనం చేసుకున్నారు. ఈ సంఘటనలో ముగ్గురు అనుమానితులను అదుపులోకి తీసుకుని రూరల్​ పోలీసులకు అప్పజెప్పినట్లు ఎస్​హెచ్​వో పూర్ణేశ్వర్​ పేర్కొన్నారు. ఈ దాడిలో రూరల్​ పోలీసులు సైతం పాల్గొన్నారు.