అక్షరటుడే, వెబ్డెస్క్ : Lab Technician Post | ల్యాబ్ టెక్నీషియన్ పోస్టులకు 1,260 మంది ఎంపికయ్యారు. ఈ మేరకు అధికారులు వివరాలు వెల్లడించారు. మెడికల్, హెల్త్ సర్వీసెస్ రిక్రూట్మెంట్ బోర్డ్ (MHSRB) ఆధ్వర్యంలో ల్యాబ్ టెక్నీషియన్ పోస్టు (Lab Technician Post)లకు గతంలో పరీక్ష నిర్వహించారు. సోమవారం బోర్డు జాబితా విడుదల చేయనుంది.
తెలంగాణ (Telangana)లో ఆరోగ్య సంరక్షణ సేవలకు పెద్ద ప్రోత్సాహాన్ని ఇస్తూ ప్రభుత్వ ఆసుపత్రులలో మొత్తం 1,284 పోస్టులను భర్తీ చేయడానికి గతంలో నోటిఫికేషన్ (Notification) విడుదల చేశారు. ల్యాబ్-టెక్నీషియన్ గ్రేడ్-II పోస్టుల భర్తీకి MHSRB 2024 సెప్టెంబర్ 11న నోటిఫికేషన్ జారీ చేసింది. నవంబర్ 11న కంప్యూటర్ బేస్ట్ ఆధారిత పరీక్ష నిర్వహించారు. ఈ పోస్టులకు 24,045 మంది అభ్యర్థులు దరఖాస్తు చేసుకోగా, 23,323 మంది పరీక్షకు హాజరయ్యారు.
Lab Technician Post | నేడు జాబితా
మొత్తం 1,284 పోస్టులకు పరీక్ష నిర్వహించగా.. 1,260 మందిని ఎంపిక చేశారు. ఎంపికైన వారి జాబితాను అధికారులు నేడు విడుదల చేయనున్నారు. హైకోర్టు (High Court) ఆదేశాల కారణంగా 4 పోస్టులు ఖాళీగా ఉంచినట్లు బోర్డు తెలిపింది. దరఖాస్తుదారులు అందుబాటులో లేకపోవడంతో హియరింగ్ హ్యాండిక్యాప్డ్ కేటగిరీ కింద 2 పోస్టులు భర్తీ కాలేదు. స్పోర్ట్స్ కేటగిరీ కింద 18 పోస్టులు ఇప్పుడు భర్తీ కాలేదని తెలిపింది. స్పోర్ట్స్ కేటగిరీ కింద ఎంపికైన వారి జాబితాను తర్వాత విడుదల చేస్తామని వెల్లడించింది. ఈ పోస్టుల భర్తీతో బోధనా ఆసుపత్రులు, జిల్లా/ఏరియా ఆసుపత్రులు, ప్రాథమిక ఆరోగ్య కేంద్రాల్లోని ల్యాబ్ల్లో సేవలు మెరుగు పడతాయని పేర్కొంది.
