HomeజాతీయంMaoist Party | ఆయుధాలు వీడుతాం.. మావోయిస్టుల సంచలన ప్రకటన

Maoist Party | ఆయుధాలు వీడుతాం.. మావోయిస్టుల సంచలన ప్రకటన

మావోయిస్టులు సంచలన ప్రకటన చేశారు. తాము వచ్చే ఏడాది జనవరి 1న ఆయుధాలు వీడుతామని ప్రకటించారు.

- Advertisement -

అక్షరటుడే, వెబ్​డెస్క్ : Maoist Party | మావోయిస్టులు మరో సంచలన ప్రకటన చేశారు. తాము వచ్చే ఏడాది జనవరి 1న ఆయుధాలు వీడుతామని ప్రకటించారు. ఈ మేరకు ఎంఎంసీ జోన్ ప్రతినిధి అనంత్ పేరుతో లేఖ విడుదల చేశారు.

కొంతకాలంగా మావోయిస్టు పార్టీ బలహీనంగా మారింది. ఆపరేషన్​ కగార్​ (Operation Kagar) దెబ్బకు చాలా మంది నక్సల్స్​ ఎన్​కౌంటర్లలో చనిపోయారు. కీలక నేతలు సైతం హతం అయ్యారు. మరోవైపు పార్టీ కేంద్ర కమిటీ సభ్యులతో పాటు పలువురు మావోలు లొంగుబాట పట్టారు. ఇటీవల లొంగిపోయే మావోయిస్టుల సంఖ్య పెరిగింది. మరోవైపు కీలక నేత హిడ్మా (Hidma) సహా టెక్​ శంకర్​ మృతితో ఆ పార్టీకి పెద్ద తగిలింది. దీంతో తాము ఆయుధాలు వీడటానికి కొంత సమయం ఇవ్వాలని ఇటీవల మావోయిస్టులు లేఖ రాశారు. తాజాగా లొంగిపోయే తేదీని సైతం ప్రకటించడం గమనార్హం.

Maoist Party | అందరం కలిసి..

ప్రస్తుతం ఛత్తీస్​గఢ్​, మధ్యప్రదేశ్​, మహారాష్ట్ర, తెలంగాణ, ఆంధ్రప్రదేశ్​ పోలీసుల ఎదుట మావోయిస్టులు నిత్యం లొంగిపోతున్నారు. ఆపరేషన్​ కగార్​తో బలగాలు అడవుల్లోకి చొచ్చుకువస్తుండటంతో మావోలకు షెల్టర్​ జోన్లు కరువయ్యాయి. ఒకప్పుడు నక్సల్స్​కు కంచుకోటగా ఉన్న ప్రాంతాలను సైతం బలగాలు ఆధీనంలోకి తీసుకున్నాయి. దీంతో పాటు పోలీసులు, ప్రభుత్వాలు లొంగుబాట్లను ప్రోత్సహిస్తున్నాయి. ఈ క్రమంలో నిత్యం చాలా మంది సరెండర్​ అవుతున్నారు. దీంతో ఒక్కొక్కరుగా లొంగిపోయే బదులు, అందరూ కలిసి లొంగిపోతామని తాజాగా మావోయిస్టులు (Maoists) లేఖలో పేర్కొన్నారు. తమకు ప్రాధాన్యత ఇచ్చే ప్రభుత్వం ఎదుట ఆయుధ విరమణ చేస్తామని తెలిపారు.

Must Read
Related News