PM Modi | ఇత‌రుల‌పై ఆధార‌ప‌డ‌డం త‌గ్గించుకోవాలి.. స్వ‌దేశీ ఉత్ప‌త్తుల‌ను ప్రోత్స‌హించాల‌ని ప్ర‌ధాని పిలుపు

అక్షరటుడే, వెబ్​డెస్క్ : PM Modi | మేకిన్ ఇండియా ద్వారా దేశం స్వావ‌లంబ‌న సాధిస్తోంద‌ని ప్ర‌ధాన‌మంత్రి న‌రేంద్ర మోదీ అన్నారు. ఇత‌ర దేశాల‌పై ఆధార‌ప‌డ‌డం త‌గ్గించుకోవాల‌ని, ఇత‌రుల‌పై ఎక్కువ‌గా ఆధార‌ప‌డుతుంటే ఆశించిన వృద్ధి న‌మోదు కాద‌ని తెలిపారు.

గ్రేటర్ నోయిడాలోని ఇండియా ఎక్స్‌పో మార్ట్‌లో అంతర్జాతీయ వాణిజ్య ప్రదర్శనను (International Trade Fair) ప్రధానమంత్రి నరేంద్ర మోదీ గురువారం ప్రారంభించారు. ఈ సంద‌ర్భంగా ఆయన ప్ర‌సంగిస్తూ.. ప్రపంచవ్యాప్తంగా అనేక అనిశ్చితులు ఉన్నప్పటికీ భారతదేశ వృద్ధి ఆకర్షణీయంగానే ఉందన్నారు. వృద్ధిలో భార‌త్ దూసుకుపోతోందని తెలిపారు. సంక్షోభాల‌ను అధిగ‌మిస్తూ స్వావ‌లంబ‌న సాధిస్తున్నామ‌ని చెప్పారు.

PM Modi | స్వ‌దేశీ ఉత్ప‌త్తుల‌ను ప్రోత్సహించాలి..

మేక్ ఇన్ ఇండియాతో భార‌త్ స్వ‌యం స‌మృద్ధి సాధిస్తోంద‌ని ప్ర‌ధాని తెలిపారు. చిన్న చిప్ నుంచి భారీ నౌక‌ల వ‌ర‌కు మ‌న‌మే త‌యారు చేసుకుంటున్నామ‌న్నారు. భార‌త వృద్ధిలో మేకిన్ ఇండియా కీల‌క పాత్ర పోషిస్తోంద‌ని చెప్పారు. ‘మేక్ ఇన్ ఇండియా’ (Make In India) కోసం ప్రభుత్వం చాలా కృషి చేస్తోందని, దేశంలోనే చిప్ నుండి షిప్ వరకు తయారీకి ప్రణాళికలు రూపొందిస్తోందన్నారు. సెమీకండక్టర్ రంగంలో దేశం స్వావలంబనను బలోపేతం చేయడంలో ఉత్తరప్రదేశ్ కీలక పాత్ర పోషిస్తోందని, భారతదేశంలో తయారు చేయబడిన మొత్తం మొబైల్ ఫోన్లలో 55 శాతం వాటా కలిగి ఉందని ప్రధానమంత్రి మోదీ (PM Modi) పేర్కొన్నారు. అంత‌ర్జాతీయ వాణిజ్య ప్ర‌ద‌ర్శ‌న‌లో 2500 మందికి పైగా త‌మ ఉత్ప‌త్తుల‌ను ప్ర‌ద‌ర్శిస్తున్నార‌ని తెలిపారు. వాణిజ్య ప్రదర్శనలో రష్యా మ‌న భాగస్వామి అని, ఇది కాలం చెల్లిన భాగస్వామ్యాన్ని మరింత బలోపేతం చేయడాన్ని ప్రతిబింబిస్తుందని పేర్కొన్నారు.

PM Modi | సంక్షోభాల‌ను అధిగ‌మించి వృద్ధి బాట‌..

ప్ర‌పంచ వ్యాప్తంగా అనేక అనిశ్చిత ప‌రిస్థితులు నెల‌కొన్న‌ప్ప‌టికీ ఇండియా వృద్ధిలో దూసుకుపోతోందని మోదీ అన్నారు. “ప్రపంచవ్యాప్తంగా అనేక సంక్షోభాలు, అనిశ్చిత ప‌రిస్థితులు ఉన్నప్పటికీ, భారతదేశ వృద్ధి ఆకర్షణీయంగా ఉంది. అనిశ్చిత ప‌రిస్థితులు మనకు ఆటంకం కలిగించవు, సంక్షోభ పరిస్థితులలో కూడా, మేము కొత్త దిశల కోసం చూస్తున్నాం. ఈ అంతరాయాలన్నింటి మధ్య, భారతదేశం రాబోయే దశాబ్దాలకు పునాదులను బలపరుస్తోంది. మన సంకల్ప‌ మంత్రం ఆత్మనిర్భర్ భారత్. ఇతరులపై ఆధారపడటం త‌గ్గించుకోవాలి. ఒక దేశం ఇతరులపై ఎంత ఎక్కువగా ఆధారపడి ఉంటే, దాని వృద్ధి అంతగా త‌గ్గిపోతుంద‌ని” ప్ర‌ధాని పేర్కొన్నారు.

PM Modi | రక్షణ దళాలు ‘స్వదేశీ’ని కోరుకుంటున్నాయి

మన సాయుధ దళాలు ఇతర దేశాలపై ఆధారపడడాన్ని తగ్గించాలని కూడా లక్ష్యంగా పెట్టుకున్నాయని మోదీ తెలిపారు. “మ‌న రక్షణ దళాలు ‘స్వదేశీ’ని కోరుకుంటున్నాయి, వారు ఇతర దేశాలపై ఆధారపడటాన్ని తగ్గించుకోవాలనుకుంటున్నారు. మేము భారతదేశంలో ఒక శక్తివంతమైన రక్షణ రంగాన్ని అభివృద్ధి చేస్తున్నాం. మ‌న ఆయుధాలలోని ప్రతి భాగం ‘భారతదేశంలో తయారు చేయబడింది’ అని లిఖించబడిన పర్యావరణ వ్యవస్థను నిర్మిస్తున్నాం. ఉత్తరప్రదేశ్ (Uttar Pradesh) ఇందులో పెద్ద పాత్ర పోషిస్తోంది. త్వరలో, రష్యా సహాయంతో ఏర్పాటు చేయబడిన ఫ్యాక్టరీ నుంచి AK-203 రైఫిల్ ఉత్పత్తి ప్రారంభమవుతుంది. ఉత్తరప్రదేశ్‌లో రక్షణ కారిడార్ కూడా ఏర్పాటు చేయబడుతోంది. బ్రహ్మోస్ క్షిపణులు సహా అనేక ఆయుధాల ఉత్పత్తి ఇప్పటికే ప్రారంభమైంది” అని వివ‌రించారు.