Homeజిల్లాలునిజామాబాద్​Mla Dhanpal | టూవీలర్​ మెకానిక్​లు ఆరోగ్యంపై శ్రద్ధ పెట్టాలి: ఎమ్మెల్యే ధన్​పాల్​

Mla Dhanpal | టూవీలర్​ మెకానిక్​లు ఆరోగ్యంపై శ్రద్ధ పెట్టాలి: ఎమ్మెల్యే ధన్​పాల్​

టూవీలర్​ మెకానిక్​లు ఆరోగ్యంపై శ్రద్ధ పెట్టాలని ఎమ్మెల్యే ధన్​పాల్​ సూర్యనారాయణ గుప్తా పేర్కొన్నారు. జిల్లా కేంద్రంలో ‘టు వీలర్ మెకానిక్ అసోసియేషన్’ కార్యవర్గ ప్రమాణ స్వీకార కార్యక్రమంలో పాల్గొన్నారు.

- Advertisement -

అక్షరటుడే, ఇందూరు: Mla Dhanpal | టూవీలర్​ మెకానిక్​లు (Two-wheeler mechanics) ఆరోగ్యంపై శ్రద్ధ పెట్టాలని ఎమ్మెల్యే ధన్​పాల్​ సూర్యనారాయణ గుప్తా సూచించారు. జిల్లా కేంద్రంలో ‘టు వీలర్ మెకానిక్ అసోసియేషన్ – నిజామాబాద్’ నూతన కార్యవర్గ ప్రమాణ స్వీకార కార్యక్రమానికి ముఖ్య అతిథిగా హాజరయ్యారు.

ఈ సందర్భంగా ఆయన మాట్లాడుతూ.. నగరంలో బైక్​లు సురక్షితంగా కొనసాగే క్రమంలో మెకానిక్​లు చేస్తున్న కృషి అపూర్వమన్నారు. అలాగే మెకానిక్​లు తమ వ్యక్తిగత ఆరోగ్యంపై సైతం శ్రద్ధ పెట్టాలన్నారు. రోజూ గ్రీస్​, డస్ట్​ తదితర కఠిన పరిస్థితుల్లో పనిచేస్తారని.. వీరికి అవసరమైన హెల్త్ క్యాంప్​లు, జీవిత బీమా, ప్రభుత్వ ఆస్పత్రిలో నాణ్యమైన చికిత్స అందించే విధంగా అన్ని విధాలా సహకరిస్తానని ఆయన పేర్కొన్నారు.

అర్హులైన మెకానిక్​లకు ఇందిరమ్మ ఇళ్లు (Indiramma Houses) వచ్చేవిధంగా అధికారులతో సమన్వయం చేస్తానని ఎమ్మెల్యే హామీ ఇచ్చారు. అనంతరం కొత్తగా ఎన్నికైన అసోసియేషన్ అధ్యక్షుడు, కార్యదర్శి సహా నూతన కార్యవర్గ సభ్యులకు ఎమ్మెల్యే శుభాకాంక్షలు తెలియజేశారు. కార్యక్రమంలో బీజేపీ ప్రధాన కార్యదర్శి పోతన్​కర్​ లక్ష్మీనారాయణ, లీగల్ అడ్వైజర్ రాజేందర్ రెడ్డి, రాష్ట్ర మెకానిక్​ అసోసియేషన్​ అధ్యక్షుడు బాబు, ఉపాధ్యక్షుడు గజ్జల మురళి, రాష్ట్ర ప్రచార కార్యదర్శి శ్రీకాంత్, బాబా, గంగారం, రామచంద్ర, గంగాధర్, బీజేపీ నాయకులు పవన్, గుండా సతీష్, బీజేపీ నాయకులు భాస్కర్, అసోసియేషన్ నాయకులు, సభ్యులు, తదితరులు పాల్గొన్నారు.

Must Read
Related News