అక్షరటుడే, వెబ్డెస్క్: Trump warns Khamenei: ఇజ్రాయిల్ – ఇరాన్ పరస్పర భీకర దాడులు చేసుకుంటున్నాయి. ఈ దేశాల మధ్య కొనసాగుతున్న యుద్ధం నేపథ్యంలో అమెరికా అధ్యక్షుడు డొనాల్డ్ ట్రంప్(US President Donald Trump) ఇరాన్కు తీవ్ర హెచ్చరికలు జారీ చేశారు.
ట్రూత్ సోషల్ పోస్టు(Truth social post)లో “ఇరాన్ సుప్రీం లీడర్ అలీ ఖమేనీ(Iran’s Supreme Leader Ali Khamenei)ని అంతమొందించడానికి నేను చర్యలు తీసుకోను.. అమెరికా ఖమేనీని హత్య చేయగలదు.. అది చిటికెలో పని.. కానీ, ప్రస్తుతానికి అలా చేయడం లేదు” అని ట్రంప్ అన్నారు. “షరతులు లేకుండా లొంగిపోండి” అంటూ ఖమేనీకి గట్టి హెచ్చరిక జారీ చేశారు.
ఖమేనీని అంతమొందించకపోవడానికి ఒకే ఒక్క కారణం.. అమెరికా పౌరులు, దళాలపై ప్రతీకార దాడులు నిరోధించడానికే అని ట్రంప్ అన్నారు. “సుప్రీం లీడర్’ అని పిలవబడే వ్యక్తి ఎక్కడ దాక్కున్నాడో తమకు కచ్చితంగా తెలుసని ట్రంప్ చెప్పుకొచ్చారు. అతను తమకు సులభమైన లక్ష్యం, కానీ మేము అతన్ని చంపబోము. ప్రస్తుతానికి అలా చేయము” అని ట్రంప్ తన సోషల్ మీడియా అకౌంట్లో పేర్కొన్నారు. “మేము పౌరులపై క్షిపణులు ప్రయోగించాలని కోరుకోవడం లేదు. ఎంతో ఓపికతో ఉన్నాం” అని పోస్టు పెట్టారు.
