అక్షరటుడే, వెబ్డెస్క్ : Hyderabad Metro | సమాజంలో వివక్ష గురి అవుతున్న ట్రాన్స్జెండర్లకు ఉపాధి విషయంలో ఇటీవల ప్రభుత్వాలు ప్రత్యేక చొరవ చూపుతున్నాయి. వారికి ఉద్యోగాలు, వ్యాపారాల్లో అవకాశాలు కల్పిస్తున్నాయి. తాజాగా హైదరాబాద్ మెట్రో రైలు సంస్థ 20 మంది ట్రాన్స్జెండర్లను సెక్యూరిటీ సిబ్బందిగా నియమించింది.
ట్రాన్స్జెండర్ (Transgender) సెక్యూరిటీ సిబ్బంది మహిళల భద్రతకు మద్దతు ఇస్తారని సంస్థ పేర్కొంది. ప్రయాణీకులకు మార్గనిర్దేశం చేయడంతో పాటు, బ్యాగేజ్ స్కానర్లలో సహాయం చేస్తారని, కీలకమైన స్టేషన్లు రైళ్లలో భద్రతను బలోపేతం చేస్తారని వెల్లడించింది. తమను విధుల్లోకి తీసుకోవడంపై ట్రాన్స్జెండర్లు హర్షం వ్యక్తం చేశారు.
Hyderabad Metro | ప్రభుత్వ ఉద్యోగాలు సైతం..
దేశంలో గతంలో ట్రాన్స్జెండర్లు ఉద్యోగాలు చేసే వారు కాదు. చాలా మంది చదువుకు దూరమై.. యాచిస్తూ జీవనం సాగించేవారు. అయితే ఇటీవల ప్రభుత్వాలు, ఎన్జీవో (NGO)ల సాయంతో ట్రాన్స్జెండర్లు సైతం చదువుకొని కొలువులు సాధిస్తున్నారు. ప్రభుత్వ ఉద్యోగాల్లో కూడా చేరుతున్నారు. ట్రాఫిక్ పోలీసులుగా విధులు నిర్వహిస్తున్నారు.
Hyderabad Metro | వేధింపులు ఆగుతాయా..
రాష్ట్రంలో చాలా మంది ట్రాన్స్జెండర్లు యాచిస్తూ జీవనం సాగిస్తారు. ఎక్కువగా రైళ్లలో అడుక్కుంటారు. అయితే వీరు ప్రజలను వేధిస్తారనే విమర్శలు ఉన్నాయి. డబ్బులు ఇవ్వకపోతే నానా హంగామా చేస్తారు. ముఖ్యంగా పెళ్లిళ్లు, గృహ ప్రవేశాలు, షాప్ ఓపినింగ్ సమయంలో హిజ్రాలు వచ్చి భారీ మొత్తంలో డబ్బులు డిమాండ్ చేస్తారు. ఇవ్వకపోతే రచ్చ రచ్చ చేస్తారు. ఇటీవల హైదరాబాద్లో గృహ ప్రవేశానికి రూ.50 వేలు డిమాండ్ చేశారు. సదరు ఇంటి యజమాని ఇవ్వకపోవడంతో అతడిపై దాడి చేశారు. ఇలా చాలా సందర్భాల్లో ట్రాన్స్జెండర్లు ప్రజలు ఇచ్చింది తీసుకోకుండా.. వేధింపులకు పాల్పడుతున్నారు. అయితే ప్రభుత్వాలు, వివిధ సంస్థలు వారికి శిక్షణ ఇచ్చి, కొలువులు ఇస్తుండటంతో వారి వేధింపులు ఆగుతాయా అని ప్రజలు చర్చించుకుంటున్నారు.
