అక్షరటుడే, హైదరాబాద్: Today Gold Prices | బంగారం, వెండి ధరలు Silver Prices డిసెంబర్ 7వ తేదీ ఆదివారం భారీగా పెరిగి వినియోగదారులకు షాక్ ఇచ్చాయి. గత వారం రోజులుగా పసిడి ధరలు వరుసగా పెరుగుతున్న ధోరణి కొనసాగుతూనే ఉండటంతో ఈ రోజు కూడా బంగారం పై స్థాయికి చేరింది.
ఈ రోజు మార్కెట్ రేట్లు ప్రకారం, 24 క్యారెట్ల 10 గ్రాముల బంగారం ధర ₹1,30,150, అలాగే 22 క్యారెట్ల 10 గ్రాముల బంగారం ధర ₹1,19,300 వద్ద ట్రేడ్ అవుతోంది. మరోవైపు వెండి ధర కూడా భారీ దూకుడు చూపుతూ ఒక కిలో వెండి ధర ₹1,90,000కి చేరుకుంది.
బంగారం ధరలు ఇంత వేగంగా పెరగడానికి అనేక అంతర్జాతీయ, దేశీయ కారణాలు ప్రభావితం చేశాయి. ముఖ్యంగా అంతర్జాతీయ మార్కెట్లలో డాలర్ బలహీనత బంగారం విలువపై నేరుగా ప్రభావం చూపుతోంది.
Today Gold Prices | భగ్గుమంటున్న ధరలు..
సాధారణంగా డాలర్ విలువ పడిపోతే, ఇన్వెస్టర్లు సేఫ్ హావెన్గా పసిడిని ఎంచుకుంటారు. ఈ అవినాభావ సంబంధం కారణంగానే గత వారం నుంచి బంగారం నిరంతరంగా పైకి కదులుతోంది.
అంతర్జాతీయ ఇన్వెస్టర్లు కూడా తమ పెట్టుబడులను బంగారం వైపు మళ్లించడం ఈ ధరల పెరుగుదలకు ప్రధాన కారణంగా నిపుణులు పేర్కొంటున్నారు. ఈ ఏడాది ఆరంభం నుంచి ఇప్పటి వరకు బంగారం దాదాపు 50 శాతం పైగానే పెరిగిందని విశ్లేషకులు చెబుతున్నారు.
మార్కెట్ అనిశ్చితిలో బంగారాన్ని Gold అత్యంత రక్షిత పెట్టుబడిగా భావించే ఇన్వెస్టర్ల రద్దీ కారణంగా ధరలు ఒక దశలో అదుపు తప్పుతున్నాయి.
బంగారం అంతర్జాతీయంగా బలపడుతున్న నేపథ్యంలో దేశీయంగా కూడా అదే ప్రభావం కనిపిస్తోంది. రూపాయి విలువ డాలర్తో పోలిస్తే బలహీనపడటం, దిగుమతుల ఖర్చు పెరగడం వంటి అంశాలు దేశీయ మార్కెట్లలో బంగారం ధరలను మరింత పెంచుతున్నాయి.
భారత మార్కెట్లో గతంలో ఎన్నడూ కనిపించని విధంగా బంగారం ఇంత వేగంగా పెరగడం ప్రజలను, ముఖ్యంగా మధ్యతరగతి కుటుంబాలను ఇబ్బందుల్లోకి నెడుతోంది. ఆభరణాల కొనుగోలు పై మరింత భారంగా మారుతుందనే ఆందోళనలు పెరిగాయి.
బంగారంతో పాటు వెండి ధర కూడా రికార్డు స్థాయిలను Record Price తాకే దిశగా సాగుతోంది. ఇప్పటికే ₹1,90,000కి చేరుకున్న వెండి, త్వరలోనే ఒక కిలో ధర ₹2 లక్షలను దాటే అవకాశముందని నిపుణులు అంచనా వేస్తున్నారు.
