Municipal election coordinators | కాంగ్రెస్​ ఉమ్మడి నిజామాబాద్​ జిల్లా ఎన్నికల సమన్వయకర్తలు వీరే..

అక్షరటుడే, వెబ్​డెస్క్: Municipal election coordinators | మున్సిపల్​ ఎన్నికల్లో సత్తా చాటేందుకు కాంగ్రెస్​ పార్టీ వ్యూహాలు రచిస్తోంది. ఎలాగైనా అత్యధిక కార్పొరేషన్​, మున్సిపల్​ పీఠాలను దక్కించుకునేందుకు శాయశక్తులా కృషి చేస్తోంది. పార్టీ అభ్యర్థులను గెలుపించుకునేందుకు నేతలందరినీ సమన్వయం చేసేందుకు చర్యలు చేపట్టింది. ఇందులో భాగంగా ఆయా జిల్లాల్లోని కార్పొరేషన్లు, మున్సిపాలిటీలకు (corporations and municipalities) సమన్వయ కర్తలను నియమించింది. కాగా.. నిజామాబాద్​, జహీరాబాద్​ పార్లమెంట్​ నియోజకవర్గాల పరిధిలోని అన్ని మున్సిపాలిటీలకు కో–ఆర్డినేటర్లను నియమిస్తూ టీపీసీసీ చీఫ్​ మహేశ్​కుమార్​ గౌడ్​ (TPCC Chief Mahesh Kumar Goud) ఉత్తర్వులు జారీ చేశారు.

ఉమ్మడి జిల్లా సమన్వయకర్తలు వీరే..

ఉమ్మడి ​జిల్లాకు సంబంధించి పలువురు ముఖ్య నేతలను సమన్వయకర్తలుగా నియమించారు. నిజామాబాద్​ నగర పాలక సంస్థ పరిధిలో టి.జీవన్​రెడ్డి, అరికెపూడి గాంధీ, బల్మూరి వెంకట్​, ఈరవత్రి అనిల్​ను నియమించారు. అలాగే ఆర్మూర్​కు సముద్రాల వేణుగోపాల చారి, భీమ్​గల్​కు గాలి అనిల్​ కుమార్​, బోధన్​కు ధర్పల్లి రాజశేఖర్​ రెడ్డి, ఇక కామారెడ్డికి షబ్బీర్​అలీ, నేరెళ్ల శారద, బాన్సువాడకు సురేష్​ షెట్కార్​, ఎల్లారెడ్డికి ఎం.వేణుగౌడ్​, బిచ్కుందకు పల్లె లక్ష్మణ్​రావు గౌడ్​ను నియమించారు.