అక్షరటుడే, ఇందూరు: Baggali Ajay | తనపై నమ్మకం ఉంచి గెలిపిస్తే 7వ డివిజన్ను ఆదర్శంగా తీర్చిదిద్దుతానని బీఆర్ఎస్ కార్పొరేటర్ అభ్యర్థి బగ్గలి అజయ్ (Baggali Ajay) అన్నారు. ఈ మేరకు డివిజన్ పరిధిలోని కాలనీల్లో ముమ్మరంగా ప్రచారం నిర్వహించారు.
పోరాడి నిధులు తెస్తా..
డివిజన్లో మౌలిక సదుపాయాల కల్పనకు ఎల్లప్పుడూ కృషి చేస్తానని బగ్గలి అజయ్ అన్నారు. ఈ సందర్భంగా కాలనీల్లో కలియ దిరిగారు. ప్రజలతో ప్రత్యక్షంగా మాట్లాడుతూ.. వారి యోగక్షేమాలు తెలుసుకున్నారు. కాలనీల్లోని ఆయా సమస్యలను నోట్ చేసుకుని గెలిచిన తర్వాత ముందుగా ఆ పనులనే చేస్తానని ప్రజలకు హామీ ఇచ్చారు.
బీఆర్ఎస్ హయాంలోనే అభివృద్ధి..
ఈ సందర్భంగా బగ్గలి అజయ్ మాట్లాడుతూ.. బీఆర్ఎస్ ప్రభుత్వపాలనలోనే నగరానికి రూ.కోట్లల్లో నిధులు వచ్చాయన్నారు. ఆయా డివిజన్లలో పదేళ్ల కాలంలో అనేక అభివృద్ధి కార్యక్రమాలు జరిగాయన్నారు. మిగిలిపోయిన పనులన్నింటిని తాను గెలిస్తే పూర్తి చేస్తానని ప్రజలకు హామీఇచ్చారు. కార్యక్రమంలో బీఆర్ఎస్ నాయకులు తదితరులు పాల్గొన్నారు.
Baggali Ajay | గెలిపించండి.. వెన్నంటే ఉండి అభివృద్ధి చేస్తా: బీఆర్ఎస్ 7వ డివిజన్ అభ్యర్థి బగ్గలి అజయ్
