5
అక్షరటుడే, వెబ్డెస్క్ : Lava Phone | భారత్కు చెందిన ప్రముఖ స్మార్ట్ ఫోన్ (Smart Phone) తయారీ కంపెనీ అయిన లావా ఎక్కువగా బడ్జెట్ ఫోన్లను తయారు చేస్తుంటుంది. ఈ కంపెనీ మిడ్ రేంజ్లో కొత్త మోడల్ను ఆవిష్కరించడానికి ఏర్పాట్లు చేసుకుంటోంది. 7000 ఎంఏహెచ్ (mAh) బ్యాటరీ సామర్థ్యంతో అగ్ని 4 మోడల్ తీసుకువస్తోంది.
ఇది గతంలో రిలీజ్ చేసిన అగ్ని 3కి అడ్వాన్స్డ్ మోడల్గా నిలవనుంది. ఈ మోడల్ విడుదల తేదీ, స్పెసిఫికేషన్స్ (Specification) అధికారికంగా ప్రకటించప్పటికీ ఆన్లైన్ ఫ్లాట్ఫాంలలో అందుబాటులో ఉన్న వివరాల ప్రకారం స్పెసిఫికేషన్ ఇలా ఉండనున్నాయి. వాటి గురించి తెలుసుకుందామా..
- 6.78 ఇంచ్ ఫుల్ హెచ్డీ ప్లస్ అమోలెడ్ డిస్ప్లేతో (Display) తీసుకురానున్నారు. 1200 * 2652 పిక్సెల్స్ రిజల్యూషన్, 120 Hz రిఫ్రెష్ రేట్ కలిగి ఉండొచ్చు.
- మీడియాటెక్ డైమెన్సిటీ 8340 ప్రాసెసర్ వినియోగించనున్నారు. ఇది ఆండ్రాయిడ్ 15 ఆపరేటింగ్ సిస్టమ్(OS) ఆధారంగా పనిచేస్తుంది.
- వెనుకవైపు 50 మెగాపిక్సెల్(MP) మెయిన్ కెమెరాతో పాటు 8 మెగా పిక్సెల్ అల్ట్రా వైడ్ సెన్సార్తో కూడిన డ్యుయల్ కెమెరా సెట్ అప్, ముందువైపు సెల్ఫీలు, వీడియో కాల్స్ కోసం 16 మెగా పిక్సెల్ ఫ్రంట్ కెమెరా ఉంటాయని భావిస్తున్నారు.
- 7000 ఎంఏహెచ్ బ్యాటరీ వినియోగించనున్నట్లు తెలుస్తోంది. ఇది 66w ఫాస్ట్ ఛార్జింగ్ సపోర్ట్ చేయనుంది.
- 8 GB ర్యామ్, 128 GB ఇంటర్నల్ స్టోరేజ్ వేరియంట్ ధర రూ. 25 వేల వరకు ఉండే అవకాశాలున్నాయి. వైట్, బ్లాక్ కలర్ వేరియంట్స్లో లభించనుంది.
- ఈ మోడల్ అమెజాన్తో (Amazon) పాటు లావా ఇండియా అధికారిక వెబ్సైట్లో అందుబాటులో ఉండే అవకాశాలున్నాయి.
