అక్షరటుడే, మెండోరా : Sriram Sagar | ఉత్తర తెలంగాణ జిల్లాల వరప్రదాయని శ్రీరామ్ సాగర్ ప్రాజెక్ట్(Sriram Sagar Project)లోకి స్వల్ప ఇన్ఫ్లో కొనసాగుతోంది. మొన్నటి వరకు లక్షల క్యూసెక్కుల వరద రాగా.. ప్రస్తుతం వర్షాలు తగ్గడంతో ఇన్ఫ్లో పడిపోయింది.
జలాశయంలోకి ప్రస్తుతం 6,790 క్యూసెక్కుల ఇన్ఫ్లో వస్తోంది. కాకతీయ కాలువకు (Kakatiya canal) 5 వేల క్యూసెక్కులు, లక్ష్మి కాలువకు 200, సరస్వతి కాలువకు 650, మిషన్ భగీరథకు 231 క్యూసెక్కులు వదులుతున్నారు. ఆవిరి రూపంలో 709 క్యూసెక్కులు పోతోంది. దీంతో మొత్తం ఔట్ ఫ్లో 6,790 క్యూసెక్కులుగా ఉంది. ఇన్ఫ్లో, ఔట్ ఫ్లో సమానంగా ఉండటంతో ప్రాజెక్ట్ నీటిమట్టం నిలకడగా ఉంది. ప్రాజెక్టు పూర్తి స్థాయి నీటి నిల్వ సామర్థ్యం 80.5 టీఎంసీలు కాగా ప్రస్తుతం 80.05 టీఎంసీల నీరు ఉంది.
Sriram Sagar | నిజాంసాగర్లోకి..
అక్షరటుడే, ఎల్లారెడ్డి: నిజాంసాగర్ ప్రాజెక్ట్లోకి (Nizamsagar Project) ప్రస్తుతం 10,950 క్యూసెక్కుల ఇన్ఫ్లో వస్తోంది. దీంతో అధికారులు రెండు వరద గేట్ల ద్వారా 9,750 క్యూసెక్కులు దిగువకు విడుదల చేస్తున్నారు. ప్రధాన కాలువకు 1200 క్యూసెక్కులు వదులుతున్నారు. జలాశయం పూర్తిస్థాయి నీటిమట్టం 1405 (17.8 టీఎంసీలు) అడుగులు కాగా.. ప్రస్తుతం అంతే మట్టంతో నిండుకుండలా ఉంది.
