Heart Attack | గుండెపోటుతో ఎస్సై మృతి

అక్షరటుడే, వెబ్​డెస్క్ : Heart Attack | హైదరాబాద్​ (Hyderabad)లో విషాదకర ఘటన చోటు చేసుకుంది. గుండెపోటుతో ఓ ఎస్సై మృతి చెందాడు. పోలీస్​ స్టేషన్​లో బుధవారం ఉదయం ఆయన కుప్పకూలాడు.

నాచారం (Nacharam)లో నివాసం ఉండే సంజయ్​ సావంత్​ (58) ఎల్బీ నగర్​ పోలీస్​ స్టేషన్​లో ఎస్సైగా పని చేస్తున్నారు. బుధవారం ఉదయం పంచాయతీ ఎన్నికల విధులకు వెళ్లాల్సి ఉండటంతో మంగళవారం రాత్రి ఆయన పోలీస్ స్టేషన్​లోనే నిద్రించారు. ఈ క్రమంలో బుధవారం ఉదయం ఒక్కసారిగా కుప్పకూలారు. కానిస్టేబుల్స్ వెంటనే ఎస్సైని సమీపంలోని కామినేని ఆస్పత్రి (Kamineni Hospital)కి తరలించారు. అప్పటికే  మృతి చెందినట్లు వైద్యులు తెలిపారు.

సంజయ్​ రెండేళ్లుగా ఎల్బీనగర్ పోలీస్ స్టేషన్​ (LB Nagar Police Station)లో ఎస్సైగా విధులు నిర్వహిస్తున్నారు. 1989లో కానిస్టేబుల్​గా సెలెక్ట్ అయిన ఆయన ఇటీవల ఎస్సైగా ప్రమోషన్​ పొందారు. ఎస్సై మృతిపై పోలీస్​ సిబ్బంది, అధికారులు సంతాపం తెలిపారు. కుటుంబ సభ్యులు విషాదంలో మునిగిపోయారు.