అక్షరటుడే, భీమ్గల్: Bheemgal | విద్యార్థులకు సేవ చేయడం సామాజిక బాధ్యతగా భావిస్తున్నామని సేవాలాల్ సంఘం అధ్యక్షుడు భూక్యా లింబాద్రి పేర్కొన్నారు. మండలంలోని సేవాలాల్ సంఘం (Sewalal Sangam) ఆధ్వర్యంలో దేవన్పల్లిలోని ప్రాథమికోన్నత పాఠశాల విద్యార్థులకు మంగళవారం సంఘం ఆధ్వర్యంలో పుస్తకాలు, పెన్నులను పంపిణీ చేశారు. విద్యార్థుల్లో చదువు పట్ల ఆసక్తిని పెంచే ఉద్దేశంతో ఈ కార్యక్రమం నిర్వహించినట్లు ఆయన పేర్కొన్నారు. భవిష్యత్తులోనూ ఇలాంటి కార్యక్రమాలు నిర్వహిస్తామని తెలిపారు.
ఈ పుస్తకాల పంపిణీలో ప్రోగ్రాం కో-ఆర్డినేటర్ డాక్టర్ శ్రీకాంత్ రామావత్, సేవాలాల్ సంఘం ఉపాధ్యక్షుడు బోడ అరుణ్, దేవన్పల్లి సర్పంచ్ అభ్యర్థి రామావత్ వెంకటేష్, పాఠశాల ప్రధానోపాధ్యాయులు నీలం శ్రీనివాస్, ఉపాధ్యాయులు, సేవాలాల్ సంఘం సభ్యులు, తదితరులు పాల్గొన్నారు.
