అక్షరటుడే, వెబ్డెస్క్ : CBI Arrest | సీబీఐ వలకు మరో అవినీతి తిమింగలం చిక్కింది. పంజాబ్లోని
రోపార్ రేంజ్ డీఐజీ హర్చరణ్ సింగ్ భుల్లర్ను లంచం తీసుకుంటుండగా.. సీబీఐ అధికారులు (CBI Officers) రెడ్ హ్యాండెడ్గా పట్టుకున్నారు.
అనంతరం గురువారం ఆయన ఇళ్లలో సోదాలు చేపట్టగా.. భారీగా అక్రమాస్తులు గుర్తించారు.
పంజాబ్లోని 2009 బ్యాచ్కు చెందిన ఐపీఎస్ అధికారి (IPS Officer) భుల్లర్ రూ.8 లక్షల లంచం తీసుకుంటుండగా.. సీబీఐ అధికారులు రెడ్ హ్యాండెడ్గా పట్టుకున్నారు. ఓ స్క్రాప్ డీలర్ను ఆయన లంచం ఇవ్వాలని వేధించగా.. సీబీఐకి సమాచారం అందించారు. దీంతో సీబీఐ వల పన్ని సదరు అవినీతి అధికారిని పట్టుకుంది. అనంతరం రోపార్, మోహాలీ, చండీగఢ్లో డీఐజీకి చెందిన నివాసాల్లో సీబీఐ అధికారులు సోదాలు (CBI Raids) చేపట్టారు.
CBI Arrest | భారీగా నోట్ల కట్టలు
డీఐజీ భుల్లార్ అక్రమాస్తులు చూసి సీబీఐ అధికారులే షాక్ అయ్యారు. ఆయన ఇంట్లో భారీగా నోట్ల కట్టలు లభించాయి. రూ. 5 కోట్ల నగదుతో పాటు 1.5 కేజీల బంగారం, 22 ఖరీదైన రిస్ట్ వాచులు స్వాధీనం చేసుకున్నారు. మెర్సిడీజ్, ఆడీ కార్లు, విదేశాల నుంచి దిగుమతి చేసుకున్న 40 లీటర్ల మద్యం, ఆయుధాలు స్వాధీనం సైతం సీజ్ చేశారు. కాగా భుల్లర్కు మధ్యవర్తిగా వహించిన కృష్ణ ఇంట్లో సైతం అధికారులు సోదాలు చేపట్టి రూ.21 లక్షల నగదు పట్టుకున్నారు. నిందితులను శుక్రవారం కోర్టులో ప్రవేశ పెట్టనున్నట్లు అధికారులు తెలిపారు.
