అక్షరటుడే, వెబ్డెస్క్ : CP Sajjanar | సోషల్ మీడియా (Social Media) ఇన్ఫ్లూయెన్సర్లకు హైదరాబాద్ సీపీ (Hyderabad CP) సజ్జనార్ పలు సూచనలు చేశారు. హాస్యం కోసం కాకుండా శక్తివంతమైన కంటెంట్తో వీడియోలు చేయాలని ఆయన సూచించారు.
సజ్జనార్ సోషల్ మీడియాలో యాక్టివ్గా ఉంటారనే విషయం తెలిసిందే. ఆయన ఆన్లైన్ బెట్టింగ్పై కొంతకాలంగా యువతలో అవగాహన కల్పిస్తున్నారు. అలాగే రీల్స్ కోసం ప్రమాదకరంగా స్టంట్లు చేస్తున్న యువతను హెచ్చరిస్తున్నారు. సోషల్ మీడియాలో ఫేమస్ కావడానికి ప్రమాదకర విన్యాసాలు చేయొద్దని సూచిస్తున్నారు. తల్లిదండ్రులు సైతం పిల్లల విషయంలో జాగ్రత్తగా ఉండాలని ఆయన చెబుతున్నారు. ఇటీవల ఆయన హైదరాబాద్ సీపీగా బాధ్యతలు చేపట్టారు. ఈ క్రమంలో సోషల్ మీడియా కంటెంట్ క్రియేటర్లకు సూచనలు చేశారు.
CP Sajjanar | వాటికి వేదికగా మార్చాలి
సోషల్ మీడియాను మహిళా రక్షణ, డ్రగ్స్ వ్యతిరేక, సైబర్ క్రైమ్ (Cyber Crime)పై అవగాహన కల్పించే రీల్స్, పోస్టులకు వేదికగా మార్చాలని సజ్జనార్ పేర్కొన్నారు. ఈ మేరకు ఆయన ఎక్స్ వేదికగా పోస్టు చేశారు. లైక్స్ కాదు, జీవితాలను (లైవ్స్) కాపాడటమే ముఖ్యమన్నారు. సోషల్ మీడియా కంటెంటర్స్ ఇవాళ చేసే వీడియో రేపు ఒక జీవితాన్ని నిలబెడుతుందని సూచించారు.
కాగా చాలా మంది యువత ఫేమస్ కావడానికి డబుల్ మీనింగ్ డైలాగ్లు, అసభ్యకర వేషధారణతో రీల్స్ చేస్తున్న విషయం తెలిసిందే. కొంతమంది అయితే లైక్స్ కోసం తమ ప్రాణాలను పణంగా పెట్టి రీల్స్ చేస్తున్నారు. ఇటువంటి క్రమంలో సీపీ సజ్జనార్ సూచనలు చేయడం గమనార్హం.
