Homeతాజావార్తలుHyderabad | నిందితుడి ఇంట్లో రోలెక్స్​ వాచ్​ కొట్టేసిన పోలీసులు!

Hyderabad | నిందితుడి ఇంట్లో రోలెక్స్​ వాచ్​ కొట్టేసిన పోలీసులు!

ఓ నిందితుడి ఇంట్లో సోదాలకు వెళ్లిన పోలీసులు చేతివాటం చూపారు. ఖరీదైన రోలెక్స్​ వాచ్​తో పాటు ఇతర వస్తువులు కాజేశారు.

- Advertisement -

అక్షరటుడే, వెబ్​డెస్క్ : Hyderabad | పలువురు పోలీసులు వ్యవహరిస్తున్న తీరు డిపార్ట్​మెంట్​కు మచ్చ తెస్తోంది. ఇటీవల నగరంలో ఓ ఎస్సై తన తుపాకీని తాకట్టు పెట్టిన విషయం తెలిసిందే. తాజాగా మరో అధికారి ఏకంగా నిందితుడి ఇంట్లో రోలెక్స్​ వాచ్​ (Rolex Watch) కొట్టేసినట్లు సమాచారం.

హైదరాబాద్​ నగరంలో ఇటీవల నకిలీ ఐపీఎస్​ అధికారి (Fake IPS Officer)గా చలామణి అవుతున్న శశికాంత్​ను ఫిల్మ్​నగర్​ పోలీసులు (Filmnagar Police) అరెస్ట్​ చేశారు. శశికాంత్​ బిల్డర్లను బెదిరించి వసూళ్లకు పాల్పడుతుండటంతో అదుపులోకి తీసుకున్నారు. అనంతరం అతడు నివసిస్తున్న షేక్​పేటలోని అపర్ణ ఔరా అపార్ట్​మెంట్లో (Aparna Aura Apartment) సోదాలు చేపట్టారు. సాక్షుల సమక్షంలో, వీడియోగ్రఫీ మధ్య పలు వస్తువులను సీజ్​ చేశారు. అయితే అక్కడే ఉన్న ఓ కానిస్టేబుల్​ శశికాంత్​ (Constable Shashikant) ఇంట్లో ఉన్న రోలెక్స్​ వాచ్​ను మెల్లిగా జేబులో పెట్టుకున్నాడు. దీనిని గమనించిన మరో కానిస్టేబుల్​ ఇంకో వస్తువు కాజేశాడు.

Hyderabad | పోలీసులా.. దొంగలా..

నిందితుడి ఇంట్లో తనిఖీల సమయంలో పోలీసులు వస్తువులు కాజేయడంపై తీవ్ర విమర్శలు వస్తున్నాయి. వాళ్లు పోలీసులా.. దొంగలా అని ప్రజలు ఆగ్రహం వ్యక్తం చేస్తున్నారు. అయితే పోలీసులు కాజేసిన వస్తువులను పంచుకునే క్రమంలో తేడాలు రావడంతో విషయం బయటకు వచ్చింది. దీంతో అధికారులు విచారణ చేపట్టారు. రోలెక్స్​ వాచ్​తో పాటు మరికొన్ని వస్తువులను స్వాధీనం చేసుకున్నట్లు సమాచారం. కాగా ఆ రోలెక్స్​ వాచ్​ ధర రూ.25 లక్షల వరకు ఉంటుందని అంచనా. నిందితుడి ఇంట్లో వస్తువులు కాజేసిన కానిస్టేబుళ్లపై అధికారులు చర్యలు తీసుకునేందుకు సిద్ధం అవుతున్నట్లు తెలిసింది.

Must Read
Related News