అక్షరటుడే, వెబ్డెస్క్ : Donald Trump | అమెరికా అధ్యక్షుడు డోనాల్డ్ ట్రంప్ మరో సంచలన నిర్ణయం తీసుకున్నారు. వలస విధానాన్ని కఠినంగా పునఃసమీక్షిస్తున్నట్లు ప్రకటించారు. దేశీయ వ్యవస్థలను పునర్నిర్మించడానికి, అనధికార వలసలను వెనక్కి పంపడానికి, విదేశీ పౌరులపై పరిశీలనను కఠినతరం చేయడానికి చర్యలు చేపట్టామన్నారు.
ఇందులో భాగంగా మూడో ప్రపంచ దేశాల నుంచి వలసలను శాశ్వతంగా నిలిపివేయడానికి తన పరిపాలన కృషి చేస్తుందని ప్రకటించారు. అమెరికా అధ్యక్ష భవనం వైట్ హౌస్ (White House) వద్ద ఇటీవల కాల్పులు చోటు చేసుకున్న విషయం తెలిసిందే. అఫ్గాన్ దేశస్తుడు జరిపిన కాల్పుల్లో ఇద్దరు నేషనల్ గార్డ్స్ మృతి చెందారు. ఈ క్రమంలో తాజాగా ట్రంప్ (Donald Trump) కీలక ప్రకటన చేశారు. అఫ్గానిస్తాన్‌తో సహా 19 దేశాల నుంచి వలస వచ్చిన వారి శాశ్వత నివాస స్థితిని సమీక్షిస్తామని ప్రభుత్వం తెలిపింది. మూడో ప్రపంచ దేశాల నుంచి పర్మనెంట్ రెసిడెంట్లను ఆపనున్నట్లు ట్రంప్ సోషల్ మీడియాలో (Social Media) ప్రకటించారు. ఇది అమెరికన్ వ్యవస్థను పునరుద్ధరించుకోవడానికి సహాయపడుతుందని పేర్కొన్నారు. అమెరికా పురోగతిని వలస విధానాలు క్షీణింపజేస్తున్నాయన్నారు.
Donald Trump | సబ్సిడీలు రద్దు
అమెరికా పౌరులు కాని వారికి అన్ని సమాఖ్య ప్రయోజనాలు, సబ్సిడీలను రద్దు చేస్తామన్నారు. దేశీయ ప్రశాంతతను దెబ్బతీసే వలసదారులను, ప్రజా బాధ్యత, పాశ్చాత్య నాగరికతకు అనుకూలంగా లేని ఏ విదేశీ జాతీయుడిని అయినా బహిష్కరిస్తానని పేర్కొన్నారు. తక్కువ నుంచి మధ్య అభివృద్ధి చెందుతున్న దేశాలను మూడో ప్రపంచ దేశాలుగా పిలుస్తారు. ఇందులో ఆఫ్రికా, ఆసియా, లాటిన్ అమెరికా (America) ఓషియానియాలోని కొన్ని దేశాలు ఉన్నాయి. అమెరికాను ప్రేమించలేని వారిని తిరిగి పంపించేందుకు చర్యలు తీసుకుంటామని ట్రంప్ ప్రకటించారు.
