అక్షరటుడే, నిజాంసాగర్: Nizam sagar | నిజాంసాగర్ ప్రాజెక్టు ఎగువ భాగంలో కురుస్తున్న వర్షాలకు ప్రాజెక్టులోకి వరద నీరు చేరుతోంది. జలాశయంలోకి ఆదివారం మధ్యాహ్నానికి భారీ ఇన్​ఫ్లో వస్తోందని ప్రాజెక్ట్​ ఏఈలు సాకేత్, అక్షయ్ కుమార్ తెలిపారు.

ప్రస్తుతం ప్రాజెక్టులో 1,405.00 అడుగులు 17.80 టీఎంసీలకుగాను 1,391.27 అడుగులు 4.607 టీఎంసీల నీరు నిల్వ ఉంది. ఎగువ భాగం నుంచి 3,517 క్యూసెక్కుల నీరు ఇన్​ఫ్లోగా వస్తుందని అధికారులు పేర్కొన్నారు.

Nizam Sagar | కర్ణాటకలో వర్షాలు పడితే..

మంజీర నదిపై (Manjira River) నిర్మించిన నిజాంసాగర్​కు కర్ణాటకలో వర్షాలు పడితేనే భారీగా వరద వస్తుంది. మంజీరకు వరద వస్తే మొదట సింగూరు ప్రాజెక్ట్​ నిండాలి. అనంతరం దిగువకు నీటిని విడుదల చేస్తారు.