MP Arvind | మేయర్​ పీఠం బీజేపీదే..: ఎంపీ అర్వింద్​

అక్షరటుడే, ఇందూరు: MP Arvind | ఈసారి మేయర్​​ పీఠం బీజేపీదేనని ఎంపీ అర్వింద్​ (MP Arvind) అన్నారు. మున్సిపల్​ ఎన్నికల్లో (Municipal Elections) భాగంగా నగరంలోని 5వ డివిజన్​ పరిధిలోని ఆర్యనగర్​, బోర్గాం(పి) ప్రాంతాల్లో రోడ్​షో నిర్వహించారు. బీజేపీ కార్పొరేటర్​ అభ్యర్థి యాదాల నరేష్​కు మద్దతుగా ప్రచారం నిర్వహించారు.

MP Arvind | నగరాభివృద్ధికి కట్టుబడి ఉన్నాం..

గతంలో కొద్దిలో మేయర్​ పీఠం చేజారిందన్నారు. తన సహకారంతో ఎమ్మెల్యే ధన్​పాల్​ సూర్యనారాయణ గుప్తా (MLA Dhanpal Suryanarayana Gupta) నగరాభివృద్ధికి విశేషంగా కృషి చేస్తున్నారన్నారు. సీఎం రేవంత్​రెడ్డితో కొట్లాడి మరీ నిధులు సమీకరిస్తున్నారన్నారు. దీంట్లో భాగంగానే డివిజన్​కు రూ.కోటి వెచ్చించి పలు అభివృద్ధి కార్యక్రమాలు చేపట్టామన్నారు. ప్రజలు ఈ విషయాలను గమనించాలన్నారు.

ప్రతి డివిజన్​పై ప్రత్యేక శ్రద్ధ..

నగరంలో అర్బన్ ఎమ్మెల్యే ఆధ్వర్యంలో ప్రతి డివిజన్​పై ప్రత్యేక శ్రద్ధ కనబరుస్తున్నామని ఎంపీ అన్నారు. దీంట్లో భాగంగానే ప్రతి సమస్యను ఇప్పటికే నోట్ చేసుకున్నామని.. నగరాభివృద్ధికి ఎంపీగా నాతో సహా ఎమ్మెల్యే ధన్​పాల్​ కట్టుబడి ఉన్నారని మరోసారి స్పష్టం చేశారు. నగరంలో ఎక్కువ సంఖ్యలో బీజేపీ కార్పొరేటర్లను గెలిపించుకుంటే మేయర్ పీఠం కైవసం చేసుకోవచ్చని తద్వారా నగరంలో ప్రతి సమస్యకు పరిష్కారం దొరుకుతుందని ఆయన వివరించారు. కార్యక్రమంలో పలువురు బీజేపీ సీనియర్​ నాయకులు, కార్యకర్తలు పాల్గొన్నారు.