అక్షరటుడే, హైదరాబాద్: Kukatpally fire broke out | హైదరాబాద్ కూకట్పల్లిలో భారీ అగ్ని ప్రమాదం సంభవించింది. కూకట్పల్లి రాజీవ్ గాంధీ నగర్లో ఉన్న ఓ గ్యాస్ రీఫిల్లింగ్ కేంద్రంలో మంగళవారం (జనవరి 13) రాత్రి ఒక్కసారిగా మంటలు ఎగసిపడ్డాయి. సిలిండర్ రీఫిల్ చేస్తుండగా గ్యాస్ లీక్ అవడంతో ఈ ప్రమాదం జరిగింది. పెద్ద ఎత్తున మంటలు ఎగసిపడటంతో స్థానిక ప్రజలు భయాందోళనకు గురయ్యారు. సమాచారం అందుకున్న అగ్నిమాపక సిబ్బంది, పోలీసులు ఘటన స్థలానికి చేరుకుని సహయక చర్యలు చేపట్టారు.
Kukatpally fire broke out | వరుస పేలుళ్లు..
కూకట్పల్లి ప్రమాదంలో పెద్ద ఎత్తున పేలుడు శబ్దాలు వచ్చినట్లు స్థానికులు చెబుతున్నారు. దాదాపు ఎనిమిది సిలిండర్లు పేలినట్లు తెలుస్తోంది. ఈ క్రమంలోనే పోలీసులు ముందస్తు జాగ్రత్త చర్యలు చేపట్టారు. రీఫిల్లింగ్ స్టేషన్ సమీపంలో ఉన్న స్థానిక ప్రజలను ఖాళీ చేయించారు. ప్రమాదానికి గల కారణాలపై ఆరా తీస్తు్న్నారు. ఈ ప్రమాదానికి సంబంధించి ప్రాణ, ఆస్తి నష్టం వివరాలు ఇంకా తెలియాల్సి ఉంది.
