అక్షరటుడే, వెబ్డెస్క్: Kondagattu Fire Accident | ప్రసిద్ధ ఆంజనేయక్షేత్రంగా పేరుగాంచిన కొండగట్టు Kondagattu హనుమాన్ ఆలయం సమీపంలో శనివారం అర్ధరాత్రి భారీ అగ్నిప్రమాదం సంభవించింది.
ఆలయ పరిసర ప్రాంతాల్లో భక్తుల కోసం ఏర్పాటు చేసిన పలు దుకాణాలు ఒక్కసారిగా మంటల్లో చిక్కుకోవడంతో తీవ్ర భయాందోళన నెలకొంది. ప్రాథమిక సమాచారం ప్రకారం, దాదాపు 25 నుంచి 32 దుకాణాలు అగ్నికి ఆహుతయ్యాయి.
వీటిలో ప్రధానంగా ఆటబొమ్మలు, పూజా సామగ్రి విక్రయించే షాపులు ఉన్నాయి. మంటలు చెలరేగి పొగ పెద్ద ఎత్తున వ్యాపించడం వల్ల స్థానికులు, వ్యాపారులు పరిస్థితిని అంచనా వేయలేని పరిస్థితి ఏర్పడింది.
Kondagattu Fire Accident | భారీ నష్టం..
అగ్ని ప్రమాదంపై Fire Accident సమాచారమందుకున్న వెంటనే జగిత్యాల, ధర్మపురి, కరీంనగర్ నుంచి ఫైర్ ఇంజిన్స్ సంఘటనా స్థలానికి చేరుకున్నాయి. మంటలను అదుపులోకి తేవడానికి అగ్నిమాపక సిబ్బంది శ్రమించారు.
గంటల తరబడి ప్రయత్నాల అనంతరం మంటలను అదుపులోకి తీసుకొచ్చారు. అదృష్టవశాత్తు ప్రమాదంలో ఎవరూ గాయపడలేదు, ఎందుకంటే దుకాణాలు మూసివేసిన సమయంలోనే ప్రమాదం జరిగింది.
అగ్ని ప్రమాదానికి గల కచ్చితమైన కారణం తెలియరాలేదు. కానీ, షార్ట్సర్క్యూట్ కారణంగా జరిగి ఉండొచ్చని అధికారులు ప్రాథమికంగా భావిస్తున్నారు.
దుకాణదారులకు భారీ నష్టం వాటిల్లింది. మేడారం సమ్మక్క-సారక్క జాతర సమీపిస్తుండటంతో వ్యాపారులు పెద్ద మొత్తంలో కొత్త స్టాక్ను దుకాణాల్లో నిల్వ చేశారు. ప్రతి దుకాణంలో సుమారు రూ. 8 లక్షల నుంచి రూ. 10 లక్షల వరకు విలువైన సరకులు ఉండగా, అవి పూర్తిగా కాలిపోయాయి.
మొత్తం నష్టం Loss కొన్ని కోట్ల రూపాయల్లో ఉంటుందని అంచనా. తమ ఆస్తులు బూడిద కావడంతో వ్యాపారులు తీవ్ర ఆవేదన వ్యక్తం చేస్తూ, ప్రభుత్వం తమకు సహాయం చేయాలని వేడుకుంటున్నారు.. అధికారులు పూర్తి వివరాలు సేకరిస్తున్నారు.
