అక్షరటుడే, వెబ్డెస్క్: kitchen cleaning | వంటగది కేవలం ఆకలి తీర్చే చోటు మాత్రమే కాదు, అది మన ఇంటి ఆరోగ్యానికి మూలస్థంభం వంటిది. అందుకే పెద్దలు వంటగదిని ఒక ‘ఔషధ గని’ అని పిలుస్తారు. అయితే, వంటగది శుభ్రత విషయంలో మనం చేసే చిన్న పొరపాట్లు మొత్తం కుటుంబ ఆరోగ్యాన్ని దెబ్బతీస్తాయి.
రాత్రి పాత్రలు: kitchen cleaning | చాలామంది రాత్రి తిన్న గిన్నెలను ఉదయం కడగవచ్చులే అని సింక్లోనే వదిలేస్తుంటారు. ఇది చాలా ప్రమాదకరం. ఇలా వదిలేయడం వల్ల రాత్రిపూట బొద్దింకలు, కీటకాలు స్వైరవిహారం చేస్తాయి. అలాగే మరుసటి రోజుకు జిడ్డు మరకలు ఎండిపోయి, గిన్నెలు కడగటం కష్టమవుతుంది. కాబట్టి, రాత్రి నిద్రపోయే ముందే పాత్రలను శుభ్రం చేసుకోవడం వల్ల వంటగది దుర్వాసన రాదు, స్థలం కూడా కలిసివస్తుంది.
క్లీనింగ్ టిప్స్: kitchen cleaning | వంట పూర్తయిన వెంటనే స్టవ్, కిచెన్ కౌంటర్ను తుడిచేయాలి. ఆహార పదార్థాలు ఏవి బయట పడకుండా చూసుకోవాలి. పాత్రలు కడిగిన తర్వాత సింక్ను కూడా శుభ్రం చేసి, తడి లేకుండా తుడవాలి. వారానికి ఒకసారి వంటసోడా, వెనిగర్ కలిపిన నీటితో సింక్ పైపులను శుభ్రం చేస్తే బ్యాక్టీరియా దరిచేరదు.
పరికరాల్లో జాగ్రత్తలు: kitchen cleaning | వంటగదిలో వాడే బ్రష్లు, స్క్రబర్లు , తుడిచే గుడ్డలను వేడినీటిలో బేకింగ్ సోడా వేసి తరచూ శుభ్రం చేయాలి. ముఖ్యంగా చెక్కతో చేసిన గరిటలపై ఆహార అవశేషాలు ఉంటే ఫంగస్ చేరే అవకాశం ఉంది. వీటిని వేడినీళ్లలో ఉప్పు, నిమ్మరసం వేసి కడగాలి. చేతులు తుడవడానికి, పాత్రలు తుడవడానికి వేర్వేరు వస్త్రాలను వాడటం ఉత్తమం.
వెలుతురు, వెంటిలేషన్: kitchen cleaning | వంటగదిలో తగినంత గాలి, వెలుతురు ఉండేలా చూసుకోవాలి. వంట చేసేటప్పుడు వచ్చే ఘాటు వాసనలు బయటకు వెళ్లడానికి చిమ్నీ, ఎగ్జాస్ట్ ఫ్యాన్ వాడాలి. చెత్త విషయంలో తడి, పొడి చెత్తకు విడివిడిగా బుట్టలను వాడటం వల్ల పరిశుభ్రత పెరుగుతుంది. చివరగా, సింక్ వద్ద టాప్ (Tap) సరైన ఎత్తులో ఉండేలా చూసుకోవాలి, లేదంటే వంగి పని చేయడం వల్ల దీర్ఘకాలంలో నడుము నొప్పి వచ్చే ప్రమాదం ఉంది.
