అక్షరటుడే, వెబ్డెస్క్ : Kalvakuntla Kavitha | సీఎం రేవంత్రెడ్డి జిల్లాల పర్యటనపై తెలంగాణ జాగృతి అధ్యక్షురాలు కల్వకుంట్ల కవిత ఆగ్రహం వ్యక్తం చేశారు. పంచాయతీ ఎన్నికల్లో ప్రచారం కోసం సీఎం పర్యటిస్తున్నారని ఆమె మండిపడ్డారు. ఈ మేరకు ‘ఎక్స్’ వేదికగా పోస్ట్ చేశారు.
ప్రజాపాలన వారోత్సవాల్లో భాగంగా సీఎం రేవంత్రెడ్డి (CM Revanth Reddy) పలు జిల్లాల్లో పర్యటించనున్నారు. పంచాయతీ ఎన్నికల నేపథ్యంలో ఆయన పర్యటన పట్టణ ప్రాంతాల్లోనే ఉండనుంది. డిసెంబర్ 1న మహబూబ్ నగర్ జిల్లా (Mahabubnagar District) మక్తల్లో సభ నిర్వహించనున్నారు. 2న ఖమ్మం జిల్లా కొత్తగూడెంలో, 3న కరీంనగర్ జిల్లా హుస్నాబాద్లో, 4న ఆదిలాబాద్లో, 5న నర్సంపేట, 6న నల్గొండ జిల్లా (Nalgonda District) దేవరకొండలో పర్యటిస్తారు. ఈ మేరకు అధికారులు ఏర్పాట్లు చేస్తున్నారు. అయితే సీఎం పర్యటనలపై కవిత ఆగ్రహం వ్యక్తం చేశారు. ప్రభుత్వ సొమ్ముతో పంచాయతీ ఎన్నికల (Panchayat Elections) ప్రచారం చేస్తున్నారని మండి పడ్డారు.
Kalvakuntla Kavitha | ఎన్నికల సంఘం స్పందించాలి
ఎన్నికలు గ్రామాల్లో ఉంటే .. జిల్లా కేంద్రాలకు వెళ్లి ముఖ్యమంత్రి అభివృద్ధి కార్యక్రమాలకు శంకుస్థాపన చేస్తారట అని ఆమె అన్నారు. అక్కడికి జిల్లా ప్రజలందరినీ ప్రభుత్వం సొమ్ముతో తరలించి తమ సందేశం ఇస్తారట అని ఎద్దేవా చేశారు. ఇది ఎన్నికల నిబంధనను ఉల్లంఘించటమేనని ఆగ్రహం వ్యక్తం చేశారు. ఎన్నికల కమిషన్ (Election Commission) ఈ విషయంలో జోక్యం చేసుకుని, ముఖ్య మంత్రి పర్యటనను నిలిపివేయాలని కోరారు. రాష్ట్ర ఎన్నికల కమిషన్ ఎన్నికల కోడ్‌ను పాటించడమే కాకుండా దాని వెనుక ఉన్న స్ఫూర్తిని కూడా పాటించాలని ఆమె విజ్ఞప్తి చేశారు.
