హైదరాబాద్: దేశీయ ప్రముఖ ఆభరణాల సంస్థ కల్యాణ్ జువెలర్స్, హోలీ పండుగ సంబరాలను పురస్కరించుకుని సరికొత్త ఆభరణాల శ్రేణి ‘కలర్ఫుల్ స్టేట్మెంట్స్: ది క్యూరేటెడ్ హోలీ ఎడిట్’ని (Colorful Statements: The Curated Holi Edit) మార్కెట్లోకి విడుదల చేసింది. హోలీ పండుగలోని ఉత్సాహాన్ని, రంగుల మేళవింపును ప్రతిబింబించేలా ఈ కలెక్షన్ను అత్యంత కళాత్మకంగా తీర్చిదిద్దారు. బహుళ వర్ణాల రత్నాలు (Gemstones), సంప్రదాయ బంగారు డిజైన్ల కలయికతో రూపొందిన ఈ ఆభరణాలు పండుగ వేళ మహిళలకు ప్రత్యేకమైన రాయల్ లుక్ అందిస్తాయని సంస్థ పేర్కొంది. వారసత్వ కళలకు ఆధునిక సొబగులు అద్ది రూపొందించిన ఈ ఆభరణాలు ప్రతి ఒక్కరినీ ఆకట్టుకునేలా ఉన్నాయి.
ఈ కలెక్షన్లోని ప్రధాన ఆకర్షణలు:
వైబ్రాంట్ ట్రెడిషన్స్ (యాంటిక్ సెట్): ఎమరాల్డ్ గ్రీన్, రాయల్ పర్పుల్, రూబీ రెడ్ రంగుల మేళవింపుతో, మధ్యలో టర్కోయిస్ (Turquoise) రత్నంతో ఈ యాంటిక్ గోల్డ్ సెట్ రూపొందింది. ఇది తెలుపు రంగు కుర్తా లేదా పాస్టెల్ చీరలకు అద్భుతమైన జోడి.
కాలిడోస్కోప్ ఆఫ్ జాయ్: నీలం, ఊదా రంగుల రత్నాలు మరియు ముత్యాల అలంకరణతో కూడిన ఈ సెట్ హోలీ వేడుకల్లో ధరించేందుకు ప్రత్యేకంగా డిజైన్ చేశారు.
ఫెస్టివ్ స్పెక్ట్రమ్ (హెరిటేజ్ సెట్): నెమలి ఆకృతులు (Peacock motifs), చిన్న ముత్యాల అలంకరణతో రూపొందిన ఈ సెట్ మన సంప్రదాయానికి ప్రతీకగా నిలుస్తుంది.
ఫ్లోరల్ రేడియన్స్ (డైమండ్ సెట్): వజ్రాలతో పొదిగిన పూల ఆకృతులు, ఎమరాల్డ్ మరియు రూబీ రత్నాల కలయికతో ఈ సెట్ అత్యంత విలాసవంతంగా ఉంటుంది.
వైబ్రాంట్ ఎలిగాన్స్ (లాంగ్ నెక్లెస్): సంప్రదాయ లాంగ్ నెక్లెస్ ఇష్టపడే వారి కోసం పచ్చలు, నీలమణి రత్నాలు మరియు యాంటిక్ గోల్డ్ డిజైన్తో దీనిని రూపొందించారు.
పండుగ వేళ సంప్రదాయబద్ధంగా కనిపిస్తూనే, ఆధునిక స్టైల్ను ఇష్టపడే మహిళల కోసం ఈ ‘హోలీ ఎడిట్’ ఒక అద్భుతమైన ఎంపిక అని కల్యాణ్ జువెలర్స్ తెలిపింది.
