అక్షరటుడే, బాన్సువాడ: Banswada | కాంగ్రెస్ పార్టీ రాష్ట్ర నాయకులు, మాజీ డీసీసీబీ ఛైర్మన్ పోచారం భాస్కర్ రెడ్డి (Pocharam Bhaskar Reddy) ఆధ్వర్యంలో కాంగ్రెస్ బాన్సువాడ నియోజకవర్గ కార్యాలయంలో (Banswada constituency office) శనివారం వర్ని మండలం కూనిపూర్కు చెందిన పలువురు సీనియర్ బీజేపీ కార్యకర్తలు కాంగ్రెస్లో చేరారు.
కార్యక్రమంలో బీజేపీకి చెందిన వర్ని మండల (Varni Mandal) ప్రముఖ నాయకులు శివ, నవీన్ రెడ్డి, సతీశ్, దత్తు, మహేందర్ రెడ్డి, బాలు, ప్రవీణ్ గౌడ్, శేఖర్, గోవుర్ నరేశ్ తదితరులు పోచారం భాస్కర్ రెడ్డి సమక్షంలో కాంగ్రెస్ కండువా కప్పుకున్నారు. పోచారం భాస్కర్ రెడ్డి మాట్లాడుతూ.. గ్రామీణాభివృద్ధి, ప్రజా సంక్షేమమే పార్టీ లక్ష్యమన్నారు. కాంగ్రెస్ పార్టీ బలోపేతానికి కొత్త నాయకుల రాక శక్తినిస్తుందని పేర్కొన్నారు. కార్యక్రమంలో పీసీసీ డెలిగేట్ డాక్టర్ రాజారెడ్డి, సొసైటీ ఛైర్మన్ కృష్ణారెడ్డి, సర్పంచ్ అభ్యర్థి గిరి సాయిలు, జిల్లా యూత్ కాంగ్రెస్ ప్రధాన కార్యదర్శి కృష్ణరెడ్డి, వర్ని మండల ప్రజాప్రతినిధులు, నాయకులు పాల్గొన్నారు.
