అక్షరటుడే, న్యూఢిల్లీ: Jan 19 market Analysis | యూఎస్ అధ్యక్షుడు ట్రంప్ (Trump) బెదిరింపులు కొనసాగుతున్నాయి. గ్రీన్ లాండ్ విషయంలో తన మాట వినని దేశాలపై కొత్త సుంకాల(Tariffs)ను విధిస్తామన్న హెచ్చరికలతో గత సెషన్లో యూరోపియన్ మార్కెట్లు నష్టాలతో ముగిశాయి. దాని ప్రభావం ఆసియా మార్కెట్లపై కనిపిస్తోంది. యూఎస్, యూరోపియన్ మార్కెట్లు నష్టాలతో ముగియగా.. సోమవారం ఉదయం చైనా, సౌత్ కొరియా మినహా మిగిలిన అన్ని ప్రధాన ఆసియా మార్కెట్లు నెగెటివ్గా ఉన్నాయి. గిఫ్ట్ నిఫ్టీ(Gift nifty) సైతం నష్టాలతో ఉంది. ఈ నేపథ్యంలో మన మార్కెట్లు భారీ గ్యాప్డౌన్లో ప్రారంభమయ్యే అవకాశాలున్నాయి.
Jan 19 market Analysis | యూఎస్ మార్కెట్లు..
గత సెషన్లో ఎసఅండ్పీ 0.06 శాతం నష్టపోగా.. నాస్డాక్(Nasdaq) ఫ్లాట్గా ముగిసింది. సోమవారం ఉదయం డౌజోన్స్ ఫ్యూచర్స్ సైతం 0.60 శాతం నష్టంతో ఉంది.
Jan 19 market Analysis | యూరోప్ మార్కెట్లు..
సీఏసీ 0.66 శాతం, డీఏఎక్స్(DAX) 0.22 శాతం, ఎఫ్టీఎసఈ 0.04 శాతం నష్టపోయాయి.
Jan 19 market Analysis | ఆసియా మార్కెట్లు..
ఉదయం 8 గంటల ప్రాంతంలో షాంఘై మినహా ప్రధాన ఆసియా మార్కెట్లు లాభాలతో సాగుతున్నాయి. సౌత్ కొరియాకు చెందిన కోస్పీ 0.97 శాతం, చైనాకు చెందిన షాంఘై 0.26 శాతం లాభంతో, జపాన్కు చెందిన నిక్కీ 0.96 శాతం, హాంగ్కాంగ్కు చెందిన హాంగ్సెంగ్(HangSeng) 0.69 శాతం, సింగపూర్కు చెందిన స్ట్రెయిట్ టైమ్స్ 0.51 శాతం, తైవాన్ స్టాక్ ఎక్స్ఛేంజ్ 0.01 శాతం నష్టంతో ఉన్నాయి. గిఫ్ట్ నిఫ్టీ 0.58 శాతం నష్టంతో సాగుతోంది. మన మార్కెట్లు గ్యాప్డౌన్లో ప్రారంభమయ్యే అవకాశాలు ఉన్నాయి.
గ·మనించాల్సిన అంశాలు..
- ఎఫఐఐలు వరుసగా ఎనిమిదో సెషన్లోనూ నికర అమ్మకందారులుగా ఉన్నారు. గత సెషన్లో నికరంగా రూ. 4,346 కోట్ల విలువైన స్టాక్స్ విక్రయించారు. డీఐఐలు వరుసగా 97వ రోజు నికర కొనుగోలుదారులుగా ఉండి రూ. 3,935 కోట్ల విలువైన స్టాక్స్ కొనుగోలు చేశారు.
- నిఫ్టీ పుట్కాల్ రేషియో 0.81 నుంచి 0.76 కు తగ్గింది.
- డాలర్తో రూపాయి మారకం విలువ 56 పైసలు బలహీనపడి 90.86 వద్ద నిలిచింది.
- యూఎస్ పదేళ్ల బాండ్ ఈల్డ్ 4.23 శాతం వద్ద, డాలర్ ఇండెక్స్ 99.19 వద్ద కొనసాగుతున్నాయి.
- బ్రెంట్ క్రూడ్ ఆయిల్ ధర బ్యారెల్కు 64.15 డాలర్ల వద్ద ఉంది.
