Alumni Reunion | వినూత్నంగా పూర్వ విద్యార్థుల ఆత్మీయ సమ్మేళనం..

అక్షరటుడే, ఇందూరు: Alumni Reunion | కాకతీయ జూనియర్ కళాశాల (Kakatiya Junior College) 2002-04 సీఈసీ బ్యాచ్ విద్యార్థులు ఆత్మీయ సమ్మేళనం జరుపుకున్నారు. అయితే తమ సమ్మేళనం కలకాలం గుర్తుండేలా వినూత్నంగా నిర్వహించేందుకు ప్రణాళిక వేసుకున్నారు. ఆదివారం తాము నిర్వహించిన పూర్వ విద్యార్థుల సమ్మేళనంలో (Alumni Association) ఎక్కడా కూడా ప్లాస్టిక్ వినియోగించలేదు. ​

మోదుగాకులతో తయారుచేసిన ప్లేట్స్, జొన్న వ్యర్ధాలతో తయారు చేసిన గ్లాసులను వాడారు. అలాగే బ్యానర్ ఫ్లెక్సీతో కాకుండా క్లాత్​ను వాడి పర్యావరణానికి (Environment) హాని కలిగించకుండా కార్యక్రమాన్ని ఏర్పాటు చేశారు. ఆనాటి జ్ఞాపకాలను నెమరు వేసుకుంటూ సంతోషంగా గడిపారు. తమకు పాఠాలు బోధించిన గురువులను ఘనంగా సన్మానించారు. అయితే ఈ కార్యక్రమంలో ఎక్కడా ప్లాస్టిక్ వాడకుండా ఆదర్శంగా నిలిచారు.