అక్షరటుడే, వెబ్డెస్క్ : Ayodhya | అయోధ్యలో నిర్మితమైన మహా రామమందిరం పూర్తి కావడంతో, నిర్వహించిన ధ్వజారోహణ కార్యక్రమం నిర్వహించారు. ప్రధాన మంత్రి నరేంద్ర మోదీ (PM Narendra Modi) స్వయంగా ఈ కార్యక్రమంలో పాల్గొని జాతీయ పతాకాన్ని ఎగురవేశారు.
అయితే ఈ వేడుకను పాకిస్తాన్ (Pakistan) తీవ్రంగా విమర్శించడం, భారత్–పాక్ మధ్య మరోసారి ఉద్రిక్తతలకు కారణమైంది. పాకిస్తాన్ విదేశాంగ శాఖ భారత్పై నోరు పారేసుకుంది. అయోధ్య ధ్వజారోహణ కార్యక్రమాన్ని “మతపరమైన మైనారిటీలపై ఒత్తిడి, ముస్లిం వారసత్వాన్ని క్షీణింపజేసే ప్రయత్నం”గా అభివర్ణించింది.
Ayodhya | కారు కూతలు..
బాబ్రీ మసీదు (Babri Masjid) కూల్చాడాన్ని ఉదహరిస్తూ రామమందిర నిర్మాణాన్ని పాకిస్తాన్ విమర్శించింది. భారత ముస్లింల హక్కులు అణచివేయబడుతున్నాయంటూ ఆరోపణలు గుప్పించింది. “భారత్లో పెరుగుతున్న ఇస్లామోఫోబియాను అంతర్జాతీయ సమాజం గమనించాలి” అని పాకిస్తాన్ కోరింది. యునైటెడ్ నేషన్స్ మరియు అంతర్జాతీయ సంస్థలు “ఇస్లామిక్ వారసత్వాన్ని కాపాడడంలో పాత్ర పోషించాలి” అని డిమాండ్ చేసింది. ఈ వ్యాఖ్యలు మరోసారి పాక్ తన పాత రాజకీయ రాగాన్ని మళ్లీ వినిపించినట్లు నిపుణులు విశ్లేషిస్తున్నారు. పాకిస్తాన్ ఆరోపణలపై భారత విదేశాంగ శాఖ ఘాటుగా స్పందించింది. విదేశాంగ శాఖ ప్రతినిధి రణధీర్ జైశ్వాల్ (Randhir Jaiswal) పాకిస్తాన్కు గట్టి కౌంటర్ ఇచ్చారు.
“మతతత్వం, మైనారిటీల అణచివేతలో నిందిత దేశం పాకిస్తాన్. అలాంటి దేశానికి ఇతరులకు పాఠాలు చెప్పడానికి అర్హత లేదు” అని ఆయన స్పష్టం చేశారు. పాకిస్తాన్ తన సొంత దేశంలో జరుగుతున్న మానవ హక్కుల ఉల్లంఘనలపై దృష్టి పెట్టాలని హితవు పలికారు. అయితే వివాదం వెనుక అసలు సంగతేంటంటే.. అయోధ్య రామమందిరం (Ayodhya Ram Temple) ప్రపంచవ్యాప్తంగా హిందువుల విశ్వాసానికి ప్రతీక. నిర్మాణం పూర్తయ్యాక ధ్వజారోహణం జరగడం చారిత్రక క్షణంగా పరిగణించబడింది. అయితే పాకిస్తాన్ గతంలోలా ఇప్పటికీ ఈ అంశాన్ని మతపరంగా ప్రస్తావిస్తూ భారత్పై విమర్శలు గుప్పించడం కొత్తేమీ కాదు. భారత్ మాత్రం తన రాజ్యాంగం అందరికీ సమాన హక్కులు కల్పిస్తుందన్న విషయాన్ని మరోసారి స్పష్టం చేసింది.
