Shivalingari Umarani | కార్పొరేటర్​గా మరోసారి అవకాశమిస్తే మరింత అభివృద్ధి చేస్తా: 6వ డివిజన్​ బీఆర్​ఎస్​ అభ్యర్థిని శివలింగారి ఉమారాణి

అక్షరటుడే, ఇందూరు : Shivalingari Umarani | కార్పొరేటర్​గా తనకు మరోసారి అవకాశమిస్తే 6వ డివిజన్​ను మరింత అభివృద్ధి చేస్తామని బీఆర్​ఎస్​ పార్టీ (BRS Party) అభ్యర్థిని శివలింగారి ఉమారాణి అన్నారు. ఈ మేరకు వినాయక్​నగర్​ (Vinayak Nagar)లో గురువారం విస్తృతంగా ప్రచారం నిర్వహించారు.

డివిజన్​లో ఎన్నో అభివృద్ధి పనులు చేపట్టామని వివరించారు. మరోసారి అవకాశం ఇస్తే మరిన్ని పనులు చేపట్టేందుకు కృషి చేస్తానని తెలిపారు. ఈ సందర్భంగా కాలనీల్లో కలియ దిరిగారు. ప్రజలతో మాట్లాడుతూ.. కాలనీల్లోని ఆయా సమస్యలను తెలుసుకున్నారు. తాను​ గెలిచిన తర్వాత ముందుగా ఆ పనులను చేస్తానని ప్రజలకు హామీ ఇచ్చారు.

Shivalingari Umarani | బిగాల గణేష్​ గుప్తా హయాంలో..

ఈ సందర్భంగా శివలింగారి ఉమారాణి  మాట్లాడుతూ.. బీఆర్​ఎస్​ ప్రభుత్వ (BRS Government) పాలనలో నగరానికి రూ.కోట్లల్లో నిధులు వచ్చాయన్నారు. ఆయా డివిజన్లలో పదేళ్ల కాలంలో అనేక అభివృద్ధి కార్యక్రమాలు జరిగాయని వివరించారు. 6వ డివిజన్​లో మిగిలిపోయిన పనులన్నింటిని తాను గెలిస్తే పూర్తి చేస్తానని ప్రజలకు హామీఇచ్చారు. కార్యక్రమంలో బీఆర్​ఎస్​ నాయకులు (BRS Leaders) తదితరులు పాల్గొన్నారు.​