అక్షరటుడే, కామారెడ్డి : Local Body Elections | కామారెడ్డి జిల్లాలో మొదటి విడత నామినేషన్ల ఘట్టం పూర్తయింది. మొదటి విడతలో 167 సర్పంచ్ స్థానాలు, 1,520 వార్డులకు ఎన్నికలు జరగాల్సి ఉంది. మూడు రోజుల్లో 167 సర్పంచ్ స్థానాలకు 1,224 నామినేషన్లు దాఖలు కాగా 1,520 వార్డు స్థానాలకు 3,832 నామినేషన్లు (Nominations) దాఖలయ్యాయి. మొదటి విడత ఎన్నిక డిసెంబర్ 11న జరగనుంది. మండలాల వారీగా నామినేషన్ల వివరాలు ఈ విధంగా ఉన్నాయి.
Local Body Elections | వివరాలివే..
మాచారెడ్డి (Machareddy)లో 25 సర్పంచ్ స్థానాలకు గాను 211 నామినేషన్లు, 196 వార్డులకు గాను..435 నామినేషన్లు వచ్చాయి. అలాగే భిక్కనూరులో 18 సర్పంచ్ స్థానాలకు గాను 134 నామినేషన్లు, 182 వార్డులకు గాను 544 నామినేషన్లు, తాడ్వాయిలో 18 సర్పంచ్ స్థానాలకు 111, 168 వార్డులకు గాను 348 నామినేషన్లు వచ్చాయి. సదాశివనగర్లో 24 సర్పంచ్స్థానాలకు గాను.. 139 నామినేషన్లు, 214 వార్డులకు గాను 467 నామినేషన్లు దాఖలయ్యాయి.
కామారెడ్డి (Kamareddy)లో 14 సర్పంచ్ స్థానాలకు గాను 121 నామినేషన్లు, 120వార్డులకు 356, రామారెడ్డిలో 18సర్పంచ్ స్థానాలకు గాను 135 నామినేషన్లు, 166 సర్పంచ్ స్థానాలకు గాను 440, పాల్వంచలో 12 సర్పంచ్లకు గాను 97, 110వార్డులకు 312 నామినేషన్లు వచ్చాయి. దోమకొండలో 9 సర్పంచ్లకు గాను. 74నామినేషన్లు, 96వార్డులకు గాను 286 నామినేషన్లు,రాజంపేటలో 18 సర్పంచ్ స్థానాలకు 132నామినేషన్లు 158 వార్డులకు గాను 368, బీబీపేటలో 11 సర్పంచ్ స్థానాలకు 70 నామినేషన్లు, 110వార్డు స్థానాలకు గాను 276 నామినేషన్లు దాఖలయ్యాయి.
Local Body Elections | రెండవ విడత నామినేషన్లు షురూ..
జిల్లాలో రెండవ విడత సర్పంచ్, వార్డు స్థానాల నామినేషన్లు మొదలయ్యాయి. ఎల్లారెడ్డి (Yellareddy), జుక్కల్ నియోజకవర్గాలలోని లింగంపేట, నాగిరెడ్డిపేట, గాంధారి, ఎల్లారెడ్డి, మహమ్మద్ నగర్, నిజాంసాగర్, పిట్లం మండలాలలో 197 గ్రామ పంచాయతీలలో సర్పంచ్, 1,654 వార్డు స్థానాలకు నామినేషన్లు స్వీకరించడానికి 57 కేంద్రాలు ఏర్పాటు చేశారు. డిసెంబర్ 2 వరకు నామినేషన్లు స్వీకరించనున్నారు. డిసెంబర్ 14న ఎన్నిక జరగనుంది. 8 గ్రామాలలో 1,655 పోలింగ్ కేంద్రాలను అధికారులు ఏర్పాటు చేశారు.
