అక్షరటుడే, వెబ్​డెస్క్ : CBI Raids | లంచం తీసుకుంటూ పీడబ్ల్యూడీ ఎగ్జిక్యూటివ్ ఇంజినీర్ (PWD EE)​ సీబీఐ అధికారులకు (CBI Officers) చిక్కాడు. ఢిల్లీ (Delhi)లోని రౌస్ అవెన్యూ జిల్లా కోర్టు కాంప్లెక్స్‌లోని జ్యుడీషియరీ సివిల్ డివిజన్-2, పిడబ్ల్యుడి ఎగ్జిక్యూటివ్ ఇంజినీర్ (సి) ఓ వ్యక్తి నుంచి లంచం డిమాండ్​ చేశాడు. పెండింగ్ బిల్లుల చెల్లింపు కోసం తనకు 3 శాతం కమిషన్​ చెల్లించాలన్నారు. లేదంటే బిల్లులు రావని బెదిరించాడు. దీంతో బాధితుడు సీబీఐ అధికారులకు ఫిర్యాదు చేశాడు. ఈ క్రమంలో రూ.30 వేలు తీసుకుంటుండగా.. సీబీఐ అధికారులు ఆయనను రెడ్​ హ్యాండెడ్​గా పట్టుకున్నారు.

CBI Raids | రూ.1.60 కోట్ల నగదు స్వాధీనం

నిందితుడిపై సీబీఐ అధికారులు కేసు నమోదు చేశారు. అనంతరం నిందితుడికి సంబంధించిన ఢిల్లీ, జైపూర్​ (Jaipur)లోని ఇళ్లలో సోదాలు నిర్వహించారు. ఈ క్రమంలో రూ.1.60 కోట్ల నగదు స్వాధీనం చేసుకున్నారు. అంతేగాకుండా పలు ఆస్తులకు సంబంధించిన ఆస్తి పత్రాలు, బ్యాంక్​ ఖాతాలు స్వాధీనం చేసుకున్నారు. ఎగ్జిక్యూటివ్​ ఇంజినీర్​ ఆస్తులను చూసి సీబీఐ అధికారులే షాక్​ అయ్యారు.