అక్షరటుడే, వెబ్డెస్క్ : Earthquake | ఆంధ్రప్రదేశ్ (Andhra Pradesh)లో స్వల్ప భూకంపం చోటు చేసుకుంది. దీంతో ప్రజలు ఇళ్ల నుంచి బయటకు పరుగులు తీశారు.
ఏపీలోని ప్రకాశం (Prakasham) జిల్లా ఒంగోలులో భూమి స్వల్పంగా కంపించింది. మంగళవారం అర్ధరాత్రి 2 గంటల తర్వాత కొన్ని సెకన్ల పాటు భూ ప్రకంపనలు చోటు చేసుకున్నాయి. గాఢనిద్రలో ఉండగా ఒక్కసారిగా భూమి కంపించడంతో ప్రజలు భయాందోళనలకు గురయ్యారు. ఏం జరుగుతుందో తెలియక ఇళ్ల నుంచి బయటకు పరుగులు తీశారు.
Earthquake | 3.4 తీవ్రతతో..
ఒంగోలు (Ongole) పట్టణంలోని విజయ్ నగర్ కాలనీ, వడ్డేపాలెం, గాయత్రీ నగర్, భాగ్యనగర్, శ్రీరామపురం, సీఎస్ఆర్ శర్మ కాలేజ్ పరిసర ప్రాంతాల్లో భూమి కంపించినట్లు ప్రజలు తెలిపారు. రిక్టార్ స్కేల్పై 3.4 తీవ్రతతో భూకంపం చోటు చేసుకున్నట్లు శాస్త్రవేత్తలు తెలిపారు. భూ ఉపరితలానికి పది కిలోమీటర్ల లోతులో భూ కంప కేంద్రం ఉన్నట్లు గుర్తించారు.
Earthquake | గతంలో సైతం..
గతంలో సైతం ప్రకాశం జిల్లాలో భూకంపం చోటు చేసుకుంది. మే నెలలో భూ ప్రకంపనలు సంభవించాయి. పొదిలి, దర్శి, మండ్లమూరు మండలాల్లో అప్పుడు భూమి కంపించింది. దర్శి నియోజకవర్గంలో గత ఏడాది డిసెంబర్లో నాలుగు రోజుల పాటు వరుసగా భూమి కంపించింది.
