అక్షరటుడే, వెబ్డెస్క్ : Dussehra Holidays | తెలంగాణ రాష్ట్రంలోని విద్యార్థులకు ఈ ఏడాది దసరా పండుగ మరింత ప్రత్యేకంగా మారబోతోంది. ప్రభుత్వ విద్యాశాఖ (Government Education Department) విడుదల చేసిన అకడమిక్ క్యాలెండర్ ప్రకారం, ఈసారి పాఠశాలలకు 13 రోజుల విరామం (Dussehra holidays) లభించనుంది. బతుకమ్మ, దసరా ఉత్సవాల నిమిత్తంగా సెప్టెంబర్ 21 నుంచి అక్టోబర్ 3 వరకు అన్ని ప్రభుత్వ, ప్రైవేట్ పాఠశాలలు మూతపడనున్నాయి. అక్టోబర్ 4న తిరిగి పాఠశాలలు ప్రారంభం కానున్నాయి.
సెలవుల షెడ్యూల్ ఇలా ఉంది:
- సెప్టెంబర్ 21 నుంచి అక్టోబర్ 3 వరకు దసరా, బతుకమ్మ సెలవులు
- మ‌ధ్య‌లో అక్టోబర్ 2 – గాంధీ జయంతి (సాధారణ ప్రభుత్వ సెలవు)
- అక్టోబర్ 3 – సెలవు కొనసాగింపు
- అక్టోబర్ 4 – పాఠశాలలు తిరిగి ప్రారంభం
- అక్టోబర్ 5 – మిలాద్-ఉన్-నబీ సెలవు (మరో సెలవు)
ఈ సెలవులతో విద్యార్థులు, ఉపాధ్యాయులు, తల్లిదండ్రులు ముందుగానే తమ సెలవు ప్రణాళికలను సిద్ధం చేసుకునే అవకాశం పొందుతున్నారు. ఇక పండుగల వేళ బతుకమ్మ (Bathukamma) ఉత్సవాలు, దసరా శోభాయాత్రలు (Dussehra Processions), రావణ దహనం వంటి కార్యక్రమాలు రాష్ట్రవ్యాప్తంగా ఘనంగా జరగనున్నాయి.
ఏపీలో పరిస్థితి ఎలా ఉంది ?
- ఆంధ్రప్రదేశ్ ప్రభుత్వం కూడా తమ విద్యాసంస్థలకు దసరా సెలవులను ప్రకటించింది.
- ఏపీలో: సెప్టెంబర్ 24 నుంచి అక్టోబర్ 2 వరకు సెలవులు
- మొత్తం సెలవులు: 10 రోజులు
- అక్టోబర్ 4న పాఠశాలలు పునఃప్రారంభం అవుతాయి
- అక్టోబర్ 5న మిలాద్-ఉన్-నబీ సెలవుతో మళ్లీ బ్రేక్
కాగా, క్రైస్తవ మిషనరీ విద్యాసంస్థలకు ప్రత్యేక సెలవులు ఉంటాయి. సెప్టెంబర్ 27 నుంచి అక్టోబర్ 2 వరకు వీరికి సెలవులు ఉండనున్నాయి. మొత్తానికి తెలంగాణ విద్యార్థులకు ఈ పండుగ సీజన్ కుటుంబంతో ఎక్కువ స‌మ‌యం గ‌డిపేందుకుగాను చక్కటి అవకాశంగా ఉండ‌నుంది. బతుకమ్మ సంబరాలు, దసరా ఉత్సవాలతో పాటు మూడు రోజుల ఎక్కువ సెలవులు రావడం విద్యార్థులు ఎక్కువ‌గా ఆనందించే విష‌యం.