అక్షరటుడే, కామారెడ్డి: liquor shops | తెలంగాణ నూతన మద్యం పాలసీలో (new liquor policy) భాగంగా జిల్లాలో 49 మద్యం దుకాణాల రిజర్వేషన్లకు లక్కీడ్రా నిర్వహించారు.
ఎస్సీ, ఎస్టీ, బీసీ, గౌడ కులస్తుల రిజర్వేషన్ ఎంపిక కోసం గురువారం కలెక్టర్ కార్యాలయంలోని మినీ కాన్ఫరెన్స్ హాల్లో కలెక్టర్ ఆశిష్ సంగ్వాన్ (Collector Ashish Sangwan) ఆధ్వర్యంలో లక్కీ డ్రా తీశారు. జిల్లాలో మొత్తం 49 మద్యం దుకాణాలు ఉండగా వాటిలో 5 ఎస్సీ సామాజిక వర్గానికి, 2 ఎస్టీ సామాజిక వర్గానికి, 7 బీసీ గౌడ కులస్థులకు లాటరీ ద్వారా మద్యం షాప్లను ఎంపిక చేశారు.
వీటి ఆమోదానికి రాష్ట్ర ప్రొహిబిషన్ అండ్ ఎక్సైజ్ శాఖ (Excise Department) కమిషనర్కు పంపిస్తున్నట్లు కలెక్టర్ తెలిపారు. ఈ కార్యక్రమంలో జిల్లా అదనపు కలెక్టర్ విక్టర్, జిల్లా ఎక్సైజ్ సూపరింటెండెంట్ హనుమంతరావు, జిల్లా ఎస్సీ అభివృద్ధి శాఖ అధికారి వెంకటేష్, జిల్లా బీసీ అభివృద్ధి అధికారి జయరాజ్, జిల్లా ఎస్టీ అభివృద్ధి అధికారి సతీష్, ఎక్సైజ్ శాఖ సిబ్బంది, తదితరులు పాల్గొన్నారు.
