అక్షరటుడే, బోధన్: Bodhan | స్థానిక సంస్థల ఎన్నికల్లో (Local Body Elections) భాగంగా నామినేషన్ల పరిశీలనలో ఎలాంటి పొరపాట్లకు తావివ్వకూడదని జీపీ ఎన్నికల సాధారణ పరిశీలకుడు జీవీ శ్యాంప్రసాద్ పేర్కొన్నారు. బోధన్ డివిజన్లో (Bodhan Division) మొదటి విడతలో భాగంగా నామినేషన్ల స్క్రూటిని ప్రక్రియ, పోలింగ్ మెటీరియల్ను ఆయన పరిశీలించారు.
పోతంగల్ (Pothangal), కోటగిరి, రుద్రూర్, సాలూర పంచాయతీలను ఆయన సందర్శించారు. నిబంధనలకు అనుగుణంగా నామినేషన్ ప్రత్రాల స్వీకరణ పత్రాలను క్షుణ్ణంగా తనిఖీ చేశారు.
తిరస్కరణకు గురైన నామినేషన్ల వివరాలు అడిగి తెలుసుకున్నారు. అభ్యర్థులు, వారి ప్రతినిధుల సమక్షంలో ఈ ప్రక్రియ పూర్తి చేశారా..? అని ఆరా తీశారు. అనంతరం రుద్రూర్ ఎంపీడీవో కార్యాలయంలో ఎన్నికల సామగ్రిని పరిశీలించారు. ఎడపల్లి మండల పరిషత్ కార్యాలయంలో టీ-పోల్ అప్డేషన్ ప్రక్రియను పరిశీలించారు. డివిజనల్ పంచాయతీ అధికారి నాగరాజు, ఇతర అధికారులతో సమావేశమై పోలింగ్, కౌంటింగ్ ఏర్పాట్లపై చర్చించారు.
