అక్షరటుడే, ఇందూరు: CPI Nizamabad | బీసీ జేఏసీ తలపెట్టిన తెలంగాణ బంద్కు సీపీఐ పూర్తి మద్దతు ప్రకటిస్తున్నట్లు జిల్లా కార్యదర్శి సుధాకర్ తెలిపారు. జిల్లా కేంద్రంలోని పార్టీ కార్యాలయంలో బుధవారం విలేకరుల సమావేశం నిర్వహించారు.
ఈ సందర్భంగా ఆయన మాట్లాడుతూ.. బీసీ రిజర్వేషన్ల (Bc Reservations) సాధనకు తెలంగాణ ఉద్యమ తరహాలోనే ముందుకు సాగాలని పిలుపునిచ్చారు. బిల్లును ఆమోదించి రిజర్వేషన్లను అమలు చేయాల్సిన బాధ్యత కేంద్ర ప్రభుత్వంపై ఉందని స్పష్టం చేశారు. బీసీ బిల్లును (BC Bill) పలు అగ్రవర్ణ కులాలు అడ్డుకోవడం సమంజసం కాదన్నారు.
రిజర్వేషన్ల అమలు, స్థానిక సంస్థల ఎన్నికలు నిలిచిపోవడానికి ప్రధాన కారణం కేంద్ర ప్రభుత్వమని విమర్శించారు. శాసనసభలో అన్ని పార్టీలు ఏకగ్రీవంగా ఆమోదించి ఆర్డినెన్స్ జారీ చేసి గవర్నర్కు పంపించినా స్పందించకపోవడం తగదన్నారు. సమావేశంలో నగర కార్యదర్శి ఓమయ్య, శ్రీధర్ తదితరులు పాల్గొన్నారు.
