అక్షరటుడే, వెబ్డెస్క్ : Sriram Sagar | శ్రీరామ్ సాగర్ ప్రాజెక్ట్(Sriram Sagar Project)కు ఎగువ నుంచి ఇన్ఫ్లో కొనసాగుతోంది. దీంతో అధికారులు వరద గేట్ల ద్వారా దిగువకు నీటిని విడుదల చేస్తున్నారు.
జలాశయంలోకి శుక్రవారం 3,68,226 క్యూసెక్కుల ఇన్ఫ్లో రాగా.. శనివారం తగ్గింది. ప్రస్తుతం ప్రాజెక్ట్లోకి 2,13,285 క్యూసెక్కుల వరద వస్తోంది. అధికారులు 39 గేట్లు ఎత్తి 1,97,010 క్యూసెక్కులు గోదావరి(Godavari)లోకి విడుదల చేస్తున్నారు.
Sriram Sagar | నిండుకుండలా జలాశయం
శ్రీరామ్సాగర్ ప్రాజెక్ట్ పూర్తిస్థాయి నీటిమట్టంతో నిండుకుండలా ఉంది. జలాశయం సామర్థ్యం 80.5 (1091 అడుగులు) టీఎంసీలు కాగా.. ప్రస్తుతం అంతేమొత్తం నీరు నిల్వ ఉంది. డ్యామ్ నుంచి వరద గేట్ల ద్వారా 1,97,010 క్యూసెక్కులు, వరద కాలువకు 6,735, ఎస్కేప్ గేట్ల ద్వారా 4 వేలు, కాకతీయ కాలువ(Kakatiya Canal)కు 4 వేలు, సరస్వతి కాలువకు 400, లక్ష్మి కాలువకు 200 క్యూసెక్కుల నీటిని విడుదల చేస్తున్నారు. మిషన్ భగీరథకు 231 క్యూసెక్కులు వదులుతుండగా.. ఆవిరి రూపంలో 709 క్యూసెక్కులు పోతోంది. మొత్తం ఔట్ ఫ్లో 2,13,285 క్యూసెక్కులుగా ఉంది. ఇన్ఫ్లో, ఔట్ఫ్లో సమానంగా ఉండటంతో ప్రాజెక్ట్ నీటిమట్టం నిలకడగా ఉంది.
Sriram Sagar | కొనసాగుతున్న విద్యుత్ ఉత్పత్తి
శ్రీరామ్సాగర్ ప్రాజెక్ట్ దిగువన గల జల విద్యుత్ కేంద్రంలో ఉత్పత్తి కొనసాగుతోంది. నాలుగు టర్బయిన్ల ద్వారా జెన్కో అధికారులు(Genco Officers) కరెంట్ ఉత్పత్తి చేస్తున్నారు. మరోవైపు 39 వరద గేట్లు ఎత్తడంతో జలసవ్వడులు తిలకించడానికి పర్యాటకులు తరలి వస్తున్నారు. నేడు శనివారం, రేపు ఆదివారం పర్యాటకులు భారీ సంఖ్యలో రానున్నారు.
