అక్షరటుడే, వెబ్డెస్క్ : Panchayat elections | రాష్ట్రంలో పంచాయతీ ఎన్నికల ప్రక్రియ కొనసాగుతోంది. తొలిదశ నామినేషన్ల (Nominations) పర్వం ముగిసింది. చాలా గ్రామాల్లో అభ్యర్థులు సర్పంచ్ పదవి కోసం పోటాపోటీగా నామినేషన్లు వేశారు. కొన్ని గ్రామాల్లో మాత్రం గ్రామస్తులు అంతా ఏకమై ఏకగ్రీవంగా పంచాయతీ పాలకవర్గాలను ఎన్నుకున్నారు.
నాగర్కర్నూల్ (Nagarkurnool) జిల్లా వంగూరు మండలం కొండారెడ్డిపల్లి (Kondareddypalli) సీఎం రేవంత్రెడ్డి స్వగ్రామం. అక్కడ తొలిదశలో ఎన్నికలు జరగనున్నాయి. అయితే గ్రామపెద్దలు చర్చించి ఏకగ్రీవంగా సర్పంచ్ ఎన్నిక నిర్వహించారు. సర్పంచ్ పదవి కోసం మొత్తం 15 మంది పోటీ పడ్డారు. అందరితో మాట్లాడి గ్రామ పెద్దలు ఎన్నికను ఏకగ్రీవం చేశారు. సీఎం రేవంత్రెడ్డి బాల్య మిత్రుడు, క్లాస్మేట్ మల్లెపాకుల వెంకటయ్య సర్పంచ్గా ఎన్నికయ్యారు. గ్రామస్తులంతా కలిసి ఆయనను ఎన్నుకున్నారు.
Panchayat elections | ఏకగ్రీవాల జోరు
రాష్ట్రంలోని పలు ప్రాంతాల్లో ఏకగ్రీవాల జోరు కొనసాగుతోంది. అయితే చాలా ప్రాంతాల్లో వేలంపాట ద్వారా ఏకగ్రీవాలు చేస్తున్నట్లు ఆరోపణలు ఉన్నాయి. కొన్ని గ్రామాల్లో వీడీసీలు గ్రామానికి ఇంత ఇచ్చిన వారిని ఏకగ్రీవం చేస్తామని డిమాండ్ చేస్తున్నట్లు తెలిసింది. బలవంతపు ఏకగ్రీవాలపై చర్యలు తీసుకోవాలని పలువురు కోరుతున్నారు.
