అక్షరటుడే, హైదరాబాద్: Budvel trumpet junction | హైదరాబాద్ రహదారి వ్యవస్థకు మహర్ధశ చేకూరబోతోంది. ఔటర్ రింగ్ రోడ్డు Outer Ring Road నుంచి రీజినల్ రింగ్ రోడ్డు వరకు అన్ని దిశల్లోనూ కనెక్టివిటీ ఏర్పడబోతోంది. ఈ మేరకు హెచ్ఎండీఏ పెద్ద ప్రణాళికే రూపొందించింది. ఈ క్రమంలోనే బుద్వేల్ లేఅవుట్ వద్ద మరో ట్రంపెట్ జంక్షన్ ఏర్పాటు దిశగా అడుగులు పడుతున్నాయి. అంతర్జాతీయ ప్రమాణాలతో ఈ ప్రాజెక్టు చేపట్టబోతున్నారు. దాదాపు రూ. 488 కోట్ల వ్యయంతో ఈ ప్రాజెక్టు డీపీఆర్ను ఇప్పటికే సిద్ధం చేశారు. ప్రభుత్వ అనుమతి లభించిన వెంటనే పనులు ప్రారంభించనున్నారు.
Budvel trumpet junction | ఇంటర్ ఛేంజ్ అనుసంధానం..
బుద్వేల్ లేఅవుట్ వద్ద ఈ ట్రంపెట్ అందుబాటులోకి వస్తే గ్రేటర్ హైదరాబాద్లో వాహన రద్దీ తగ్గడంతో పాటు ప్రయాణ సమయం సైతం ఆదా కానుంది. బుద్వేల్ లేఅవుట్ నుంచి గ్రీన్ ఫీల్డ్ రోడ్–2 వరకు, రాజేంద్రనగర్ ఔటర్ రింగ్ రోడ్ ఇంటర్ ఛేంజ్ను అనుసంధానిస్తారు. ఈ మేరకు ప్రణాళిక రూపొందించారు. రేడియల్ రోడ్ నుంచి ఔటర్ వరకు, అటుపై గచ్చిబౌలి, అంతర్జాతీయ విమానాశ్రయాని(శంషాబాద్)కి చేరుకునేలా ప్లాన్ చేశారు.
ప్రస్తుతం కోకాపేట నియోపోలిస్ లేఅవుట్ Kokapet Neopolis layout వద్ద ట్రంపెట్ ఫ్లైఓవర్ ఉంది. ఈ తరహాలో ఈ కొత్త ట్రంపెట్ను సైతం నిర్మించనున్నారు. కోకాపేట ట్రంపెట్ వల్ల పలు ప్రాంతాల నుంచి శంకర్పల్లి వైపు వెళ్లే వాహనాల రద్దీ తగ్గినట్లే, బుద్వేల్ ట్రంపెట్ వల్ల సైతం అదే స్థాయిలో ప్రయోజనం కలగనుంది. ట్రంపెట్ మీదుగా వెళ్లేవారికి ఎటువంటి అంతరాయాలు కలగకుండా ‘సీమ్లెస్ జర్నీ’ సౌకర్యం కల్పించేలా ప్రణాళిక రూపొందించారు.
