అక్షరటుడే, వెబ్డెస్క్ : దేశీయ స్మార్ట్ఫోన్ (Smart Phone) మార్కెట్లో మోటోరొలా కంపెనీ మరో మోడల్ను విడుదల చేసింది. ఆండ్రాయిడ్ 16తో పనిచేసే ఈ ఫోన్.. 7000 ఎంఏహెచ్ బ్యాటరీ సామర్థ్యాన్ని కలిగి ఉంది. ఏఐ ఫీచర్లూ (AI Features) ఉన్నాయి. ఫ్లిప్కార్ట్లో డిసెంబర్ 3 నుంచి ఈ ఫోన్ విక్రయాలు ప్రారంభం కానున్నాయి. బడ్జెట్ ధరలో తీసుకువచ్చిన మోటోరొలా జీ 57 పవర్ 5జీ స్పెసిఫికేషన్స్ తెలుసుకుందామా..
డిస్ప్లే : 6.72 అంగుళాల ఫుల్హెచ్డీ+ ఎల్సీడీ స్క్రీన్, 120 Hz రిఫ్రెష్ రేటు, 120 Hz టచ్ శాంప్లింగ్ రేటుతో వస్తోంది. గొరిల్లా గ్లాస్ 7i, మిలిటరీ గ్రేడ్ 810H ప్రొటెక్షన్ను కలిగి ఉంది.
సాఫ్ట్వేర్ : స్నాప్డ్రాగన్ 6s Gen 4 చిప్సెట్ అమర్చారు. ఇది ఆండ్రాయిడ్ 16తో పనిచేస్తుంది.
కెమెరా సెటప్ : వెనకవైపు 50 ఎంపీ సోనీ ఎల్వైటీ600 కెమెరా, 8 ఎంపీ అల్ట్రావైడ్ యాంగిల్ కెమెరా ఉన్నాయి. సెల్ఫీలు, వీడియో కాలింగ్ కోసం ముందువైపు 8 ఎంపీ కెమెరా అమర్చారు. కెమెరా పరంగా కొన్ని ఏఐ(AI) ఫీచర్లున్నాయి. షాట్ ఆప్టిమైజేషన్, ఆటో స్మైల్ కాప్చర్, మ్యాజిక్ ఎరేజర్, ఫొటో అన్బ్లర్ వంటి ఏఐ ఫీచర్లను అందించారు.
బ్యాటరీ సామర్థ్యం : సిలికాన్ కార్బన్ టెక్నాలజీతో రూపొందించిన 7000 mAh బ్యాటరీ అమర్చారు. ఇది 33w ఫాస్ట్ ఛార్జింగ్ను సపోర్ట్ చేస్తుంది.
వేరియంట్ : మోటో జీ57 పవర్ను ఒకే ఒక్క వేరియంట్లో మూడు రంగుల్లో తీసుకువచ్చారు. 8జీబీ, 128జీబీ వేరియంట్ ధర రూ.14,999గా నిర్ణయించింది. ఫ్లిప్కార్ట్ ఎస్బీఐ, ఫ్లిప్కార్ట్ యాక్సిస్ బ్యాంక్ క్రెడిట్ కార్డులతో ఐదు శాతం వరకు క్యాష్బ్యాక్ లభించనుంది.
