అక్షరటుడే, భీమ్గల్: Bheemgal | మండలంలోని పల్లికొండ, బాచన్ పల్లి గ్రామాల్లో ఆదివారం సాయి సేవకులు భిక్షాటన నిర్వహించారు. పౌర్ణమి (Pournami) రోజు శ్రీదత్తాత్రేయ జయంతిని (Dattatreya Jayanti) పురస్కరించుకొని భిక్షాటన చేశారు. వేల్పూర్ శివారులో అవధూత గోవిందగిరి స్వామి నెలకొల్పిన గోవిందసాయి దివ్య యోగా ఆశ్రమం వార్షికోత్సవం నిర్వహించారు.
ఈ సందర్భంగా ఆధ్యాత్మిక వక్త రాఘవేంద్ర స్వామిజీ భక్తులను ఉద్దేశించి మాట్లాడారు. శ్రీ దత్తాత్రేయుని మహిమలు అద్వితీయమైనవని, ఆయన త్రిమూర్తుల (బ్రహ్మ, విష్ణు, మహేశ్వరులు) స్వరూపమని వివరించారు. దత్తాత్రేయుడిని ఆరాధించడం వల్ల భక్తులు మోక్షాన్ని, జ్ఞానాన్ని పొందుతారని పేర్కొన్నారు. దత్తాత్రేయుని గురించి పురాణాలలో ప్రస్తావించబడిందని, ఆయన భక్తులకు మార్గనిర్దేశం చేశారన్నారు. కార్యక్రమంలో ఆలయ కమిటీ సభ్యులు, సాయి భజన కళాకారులు, సాయి సేవకులు, భక్తులు తదితరులు పాల్గొన్నారు.
