అక్షరటుడే, వెబ్డెస్క్ : Bathukamma | బతుకమ్మ పండగ (Bathukamma festival) అంటేనే తెలంగాణ వీధుల్లో పూల సందడి,రంగుల హరివిల్లు, ఆడపడచుల ఆటాపాటలతో పండుగ వాతావరణం నెలకొంటుంది ఎంగిలిపూల బతుకమ్మతో మొదలైన ఈ పండుగ, అటుకుల బతుకమ్మ (Atukula Bathukamma), ముద్దపప్పు బతుకమ్మ, నానబియ్యం బతుకమ్మ, అట్ల బతుకమ్మ వేడుకల అనంతరం ఆరో రోజుకు చేరుకుంటుంది.
Bathukamma | ఆరో రోజు: అలిగిన బతుకమ్మ
బతుకమ్మ పండుగలో ఆరవ రోజును ‘అలిగిన బతుకమ్మ’ (Aligina Bathukamma) అని పిలుస్తారు. ఈ రోజున అమ్మవారు అలిగి ఉంటారని భక్తులు (Devotees) నమ్ముతారు. దీని వెనుక ఒక కథ ఉంది. పూర్వం బతుకమ్మను పేర్చుతున్నప్పుడు అనుకోకుండా మాంసం ముద్ద తగిలి అపచారం జరిగిందట.
అందుకే అమ్మవారు అలకబూనారని చెబుతారు. ఈ కారణంగానే ఆ రోజు బతుకమ్మను పేర్చడం, ఆడటం, నైవేద్యం సమర్పించడం వంటివి ఏమీ చేయరు. అమ్మవారి అలక తీరాలని భక్తులు ప్రార్థిస్తారు. తొమ్మిది రోజుల పండుగలో ఇది ఒక విరామ దినం. మళ్ళీ ఏడో రోజు నుంచి వేడుకలు తిరిగి ఉత్సాహంగా మొదలవుతాయి.
