అక్షరటుడే, బాన్సువాడ: Mla pocharam | బాన్సువాడను విద్య, వైద్య రంగాలకు హబ్​గా తీర్చిదిద్దుతున్నామని ప్రభుత్వ వ్యవసాయ సలహాదారు, ఎమ్మెల్యే పోచారం శ్రీనివాస్ రెడ్డి అన్నారు. నస్రుల్లాబాద్ (Nasrullabad)​ మండలం దుర్కి శివారులో ప్రభుత్వ బీఎస్సీ నర్సింగ్ కళాశాల (Government BSc Nursing College) భవన సముదాయ పనులపై శుక్రవారం హైదరాబాద్​లోని తన కార్యాలయంలో అధికారులు, కాంట్రాక్టర్​తో సమీక్ష నిర్వహించారు. రూ.40 కోట్లతో నూతనంగా నిర్మిస్తున్న భవనాన్ని త్వరగా పూర్తి చేయాలని ఆదేశించారు. నర్సింగ్ కళాశాలను బాలికలు సద్వినియోగం చేసుకోవాలని, విద్యతోనే సామాజికంగా, ఆర్థికంగా మార్పు వస్తుందన్నారు.