Bichkunda Government Degree College| ప్రభుత్వ డిగ్రీ కళాశాలలో ప్రవేశాలకు దరఖాస్తుల ఆహ్వానం

అక్షరటుడే, బిచ్కుంద: మండలకేంద్రంలోని ప్రభుత్వ డిగ్రీ కళాశాల (అటానమస్)లో 2025- 26 విద్యా సంవత్సరానికి విద్యార్థుల నుంచి ప్రవేశాలకు దరఖాస్తులు స్వీకరిస్తున్నట్లు ప్రిన్సిపాల్ అశోక్ తెలిపారు. ఇంటర్ పూర్తి చేసిన విద్యార్థులు దోస్త్ ద్వారా ఆన్​లైన్​లో దరఖాస్తు చేసుకోవాలన్నారు. న్యాక్ ఏ గ్రేడ్, అటానమస్ హోదా కలిగిన కళాశాలలో అనుభవజ్ఞులైన బోధన సిబ్బంది, అత్యున్నత ప్రమాణాలతో విద్య అందిస్తున్నట్లు తెలిపారు. బీఏ, బీఎస్సీ లైఫ్ సైన్స్, ఫిజికల్ సైన్స్, కంప్యూటర్ సైన్స్, బీకాం, కంప్యూటర్ అప్లికేషన్ తెలుగు, ఇంగ్లిష్​ మీడియం కోర్సులు అందుబాటులో ఉన్నాయన్నారు. వివరాలకు దోస్త్ కోఆర్డినేటర్ డాక్టర్. జి. వెంకటేశం (9492795524)ను సంప్రదించాలన్నారు.