అక్షరటుడే, వెబ్డెస్క్: Belrise Industries IPO | దేశీయ ఆటోమోటివ్ కాంపోనెంట్(Domestic automotive components) తయారీ సంస్థ అయిన బెల్రైజ్ ఇండస్ట్రీస్ ఇన్వెస్టర్లనుంచి రూ. 2,150 కోట్ల నిధులను సమీకరించాలన్న లక్ష్యంతో ఐపీవోకు వస్తోంది. ఈ ప్రక్రియ పూర్తి తాజా షేర్లు జారీ ద్వారా జరగనుంది. ఇష్యూలో భాగంగా 23.89 కోట్ల తాజా షేర్లు జారీ చేయనున్నారు. ఐపీవో సబ్స్క్రిప్షన్ (IPO subscription) ఈనెల 21 న ప్రారంభమై 23తో ముగియనుంది. మే 28న ఇది బీఎస్ఈ (BSE), ఎన్ఎస్ఈలలో లిస్ట్ కానుంది. పబ్లిక్ ఇష్యూ ద్వారా వచ్చే నికర ఆదాయాన్ని కంపెనీ అప్పుల ముందస్తు చెల్లింపు, సాధారణ కార్పొరేట్ ప్రయోజనాల కోసం ఉపయోగించనున్నట్లు కంపెనీ తెలిపింది.
Belrise Industries IPO | ధరల శ్రేణి..
కంపెనీ ధరల శ్రేణిని (Price band) రూ.85 నుంచి రూ. 90 గా నిర్ణయించింది. ఒక లాట్(Lot)లో 166 షేర్లుంటాయి. రిటైల్ ఇన్వెస్టర్లు (retail investors) ఒక లాట్ కోసం రూ. 14,940తో దరఖాస్తు చేసుకోవాల్సి ఉంటుంది. రిటైల్కోటా 35 శాతం కేటాయించారు.
Belrise Industries IPO | కంపెనీ వివరాలు..
బెల్రైజ్ ఇండస్ట్రీస్ కంపెనీని (belrise industries company) 1988లో స్థాపించారు. ఇది వివిధ రకాల భద్రతా వ్యవస్థలను అందిస్తుంది. బైక్లు, ఆటోలు, కార్లు ఇతర వాణిజ్య వాహనాలు, వ్యవసాయ వాహనాల కోసం ఆటోమోటివ్ షీట్ మెటల్, కాస్టింగ్, పాలిమర్ భాగాలు, సస్పెన్షన్, మిర్రర్ సిస్టమ్లను తయారు చేస్తుంది.
Belrise Industries IPO | GMP..
గ్రే మార్కెట్ ప్రీమియం (grey market premium) రూ. 8గా ఉంది. అంటే లిస్టింగ్ రోజే 9 శాతం లాభాలను అందించే అవకాశాలున్నాయి.
