అక్షరటుడే, వెబ్డెస్క్ : Flipkart Sale | దేశీయంగా లక్షలాది మంది కస్టమర్లను సొంతం చేసుకున్న ఈ-కామర్స్ ప్లాట్ఫామ్ ఫ్లిప్కార్ట్ మరోసారి ఆఫర్ల పండుగను ప్రకటించింది. ఈ సంవత్సరం తన అతిపెద్ద సేల్ అయిన బిగ్ బిలియన్ డేస్ సేల్ను (Big Billion Days Sale) అధికారికంగా వెల్లడించింది.
అయితే ఎప్పటి నుంచి ప్రారంభమవుతుందని మాత్రం ఇంకా వెల్లడించలేదు. గత సంవత్సరాల మాదిరిగానే, ఈ పండుగ సీజన్ సేల్లో శామ్సంగ్, ఆపిల్, మోటరోలా, రియల్మీ వంటి బ్రాండ్ల స్మార్ట్ఫోన్లపై భారీ డిస్కౌంట్లను అందిస్తోంది. ఫోన్లతో పాటు, స్మార్ట్ టీవీలు, ఏసీలు, రిఫ్రిజిరేటర్ల వంటి గృహోపకరణాలపై కూడా గణనీయమైన ధర తగ్గింపులు ఉంటాయని పేర్కొంది.
Flipkart Sale | వెల్లడి కాని తేదీలు
ఈ-కామర్స్ ప్లాట్ఫామ్లో సేల్ కోసం మైక్రోసైట్ పోస్టు చేసిన ఫ్లిప్కార్టు కొన్ని వివరాలను పంచుకుంది. ఫ్లిప్కార్ట్ సేల్ (Flipkart Sale) తిరిగి వస్తున్నట్లు ప్రకటించింది. ఇది గత సంవత్సరం కంటే పెద్దదిగా ఉంటుందని పేర్కొంది. అయితే, డిస్కౌంట్లు లేదా ఫీచర్ చేసిన ఉత్పత్తుల గురించి నిర్దిష్ట సమాచారం ఇంకా వెల్లడించలేదు. అదే సమయంలో ఎప్పటి నుంచి బిగ్ బిలియన్ డేస్ సేల్ ఉంటుందని కూడా రివీల్ చేయలేదు.
Flipkart Sale | స్మార్ట్ఫోన్ పై భారీగా తగ్గింపు..
సామ్సంగ్ ఎస్ 25: ఈ సంవత్సరం ప్రారంభంలో మార్కెట్లోకి వచ్చిన (Samsung Galaxy S25) సిరీస్పై భారీ డిస్కౌంట్ను అందించే అవకాశముంది. ఈ సిరీస్లోని అన్ని మోడళ్లు వాటి అత్యల్ప ధరలకు అందుబాటులో ఉంటాయని భావిస్తున్నారు. రాబోయే (Samsung Galaxy S25 FE)పై కూడా మంచి డిస్కౌంట్లు ఉండనున్నాయి.
ఆపిల్ ఐఫోన్ 16 సిరీస్: ఆపిల్ కొత్త ఐఫోన్ 17 సిరీస్(iPhone 17 Series) వచ్చే నెల ప్రారంభంలో ప్రారంభం కానుండగా, ఫ్లిప్కార్ట్ సేల్లో ఐఫోన్ 16 సిరీస్పై గణనీయమైన ధర తగ్గింపు ఉండే అవకాశం ఉంది. పాత ఐఫోన్ 15, ఐఫోన్ 14 మోడళ్లపై కూడా అద్భుతమైన ఆఫర్లు ఉంటాయని భావిస్తున్నారు.
ఇతర బ్రాండ్లు: మోటరోలా, రియల్మీ, ఇన్ఫినిక్స్, షియోమి, టెక్నో వంటి బ్రాండ్ల నుంచి బడ్జెట్, మధ్యస్థ-శ్రేణి ఫోన్లు కూడా బిగ్ బిలియన్ డేస్ సేల్లో తగ్గింపు ధరలకు లభించనున్నాయి.
